Қос тарапты оқыту – өміршең

Апта соңында Орталық коммуникациялар қызметінде қос тарапты дуалды оқытуды енгізу мәселелері бойынша брифинг өткізілді. Брифингте Білім және ғылым вице-министрі Есенғазы Иманғалиев, сондай-ақ, белсенді дуалды оқыту енгізіліп отырған колледж өкілдері және олардың әріптестері қатысты. Баспасөз мәслихаты барысында еңбек нарығына білікті кадрларды даярлаудың маңыздылығына мән берілді. – 2012 жылдан бастап Қа­зақстанда дуалды оқыту енгі­зіл­гені белгілі. Бұл үшін жаңа Еңбек кодексіне «дуалды оқы­ту», «дуалды оқыту бойынша ке­лісім» ұғымдары және «дуалды оқыту» атты жаңа бап енгізілді. «Білім туралы» Қазақстан Рес­­­публикасы Заңының ұғым­­­дық аппаратына, Білім және ғылым министрлігінің, жергілікті атқарушы органдар­дың құзыреттеріне, білім бе­ру практикасына 60 пайыз өз­ге­рістер мен толықтырулар ен­­гізілді. Қазіргі уақытта дуалды оқыту элементтері 348 колледж­ге енгізілді (2013 жылы – 176 колледж, 2014 жылы – 280 колледж), 1718 кәсіпорынмен 22223 студент, 1952 үш-төрт жақ­ты шарттар мен келісімдер жасасты. Соның ішінде 10 негізгі сала бойынша, 86 мамандық және 159 біліктілігі аса қажетті мұнайгаз, химия, металлур­гия, ауылшаруашылық, энер­ге­ти­калық, құрылыс ма­мандықтары бар. Дуалды оқыту нысанын талдау дуалды оқытуды енгізген кол­ледждердің саны арт­қа­нын көрсетті. Ол 2015 жылы 68 бірлікке көбейген. Дуалды оқы­ту жүйесіне қосылған кол­лед­ждер мен кәсіпорындар са­нының артуы студенттерді жұ­­­мыс­қа орналастыруға үл­кен көмек болып отыр, де­ді Бі­лім және ғылым вице-ми­нистрі Есенғазы Иманғалиев. «Дуалды оқытудың стра­тегиялық альянсы» жобасы шеңберінде Гер­ма­ния кә­сіп­орын­дарымен ынты­мақтастық жалғасуда. Evonik Industries AG, әлемдегі ең ірі цемент, бе­­тон және металл-құрылым шыға­ратын химиялық концерн, сонымен қатар, CLAAS и John Deere ауылшаруашылық техникаларын шығаратын әлемдік көшбасшы. 2016 жылдың 15-19 ақпан аралығында Өскемен құ­рылыс колледж базасында неміс сарапшыларының бас­шылығымен бірнеше семинар өткізу жоспарланған. GIZ-бен бір­лесіп электрондық базаны құру және дуалды оқыту бойын­ша мониторинг жүргізу үшін элек­трондық портал әзірленгенін де естеріңізге сала кетсек дейміз. Рауан ҚАЙДАР, «Егемен Қазақстан».