Толық қолдаймыз

Мен, облыстық кәсіпкерлер палатасы Ақсу қаласы филиалының басшысы, жеке кәсіпкер ретінде ағымдағы жылда жария етілген Елбасымыздың «Ұлт Жоспары – қазақстандық арманға бастайтын жол» мақаласын толықтай қолдаймын. Ұлт Жоспарында отандық өндірістің дамуына шетел инвесторларын тарту, орта және шағын бизнесті жан-жақты қолдау шаралары көрсетілгені мені аса қуантады. Сонымен қатар, 2015 жылғы 13 қаңтарда Парламент депутаттары Мәжілісті кезектен тыс тарату және кезектен тыс сайлау өткізу жөнінде ұсыныс жасады. Мә­жі­­лісті қай­та жа­сақ­тау­ елімізде қа­зір­гі қа­лыптасқан эко­но­микалық жағдай­да аса қажет болып отыр. Мен депутат­тар­дың бұл ұсынысын толық­т­ай қолдаймын. Себебі, кезектен тыс парламенттік сайлау өткізу ұлттық бизнеске, жалпы мемлекетіміздің дамуына теріс әсер ету қаупін тудыратын жағдайлардан қиындықсыз өтуге жол береді. Өзім кәсіпкерлер палатасы филиалының басшысы болып 2014 жылғы сәуір айынан қызмет атқарудамын. Оған қоса жеке кәсіппен де айналысамын. Бүгінгі күні өңірде 3082 кәсіпкерлік субъ­ектілер тіркелген, оның ішінде 2597 – жеке кәсіп­кер­лер. Облыста кәсіп­­кер­­ліктің қар­қын­­ды да­­муы­на қажет­ті жағ­дайлар ту­ды­рылған. Жыл­дан-жылға ауыл шаруа­шы­лы­ғына, жеке кә­сіп­­керлерге, сау­да орын­­­дары­ның да­муы­на мем­­лекет жағы­­нан то­­лық­тай қол­­­дау көр­­сетіліп отыр. Сон­­дық­тан әлем­де орын алып жат­қан эконо­­микалық қиындықтардан сүрін­бей өтетінімізге сенімдіміз. Сол үшін, біз, Ақсу өңірінің кәсіпкерлері, Парламент депутат­тарының бұл шешімін толық. Глюзя АЛПЫСБАЕВА, кәсіпкерлер палатасы қалалық филиалының басшысы. Ақсу қаласы.