Маңғыстаудағы кен орындарында сайлау учаскелері құрылады

АҚТАУ. 28 қаңтар. Маңғыстауда кен орындарында 5 сайлау учаскесі жұмыс жасайтын болады. Бұл туралы lada.kz сайтына сілтеме жасаған egemen.kz тілшісі хабарлады. Маңғыстау облысы бойынша сайлау комиссиясының төрағасы Есен Күмісқалидің айтуынша, вахталық әдіспен жұмыс жасайтын мұнай-газ саласының қызметкерлері сайлауда дауыстарын өз жұмыс орындарында береді. Сондықтан, 20 наурыз күні кен орындарында 5 сайлау учаскесі жұмыс жасамақ. Оның үшеуі Түпқараған ауданында болса, екеуі Маңғыстау ауданының аумағында орналасады. Бұл учаскелерде 7,5 мың сайлаушы дауыс беретін болады. «Сайлау учаскелері Қаламқас, Қаражанбас, Қарақұдық, Солтүстік Бозашы кен орындарында жұмыс жасайды. Адам санының көбеюіне байланысты биыл Қаламқаста екі сайлау учаскесі ашылды. Сондай-ақ, Солтүстік Бозашыда да бұрын учаске жоқ еді. Биыл ол жерден де ашып отырмыз», – дейді Есен Күмісқали. Төрағаның айтуынша, 20 наурызда Маңғыстау облысында 115 сайлау округі мен 199 сайлау учаскесі жұмыс жасайтын болады. Гүлайым Шынтемірқызы. Дерек: lada.kz. Сурет: khabar.kz.