Келісімді көздеген кездесулер

Кеше Қазақстан халқы Ассамблеясы Төрағасының орынбасары –Хатшылық меңгерушісі Ералы Тоғжанов екі бірдей кездесу өткізді. Кездесулер Астанадағы Ұлт­тық академиялық кітапханадағы Қазақстан халқы Ассамблеясы залында ұйымдастырылды. Е.Тоғжанов алдымен Еуро­па­дағы қауіпсіздік және ынты­мақ­тастық ұйымының Аз ұлттар істері жөніндегі Жоғарғы комис­сарының аға саяси кеңесшілері Марк Фумагаллимен және Джен­ни­фер Крофтпен кездесті. Оған Қа­зақстан тарапынан Қазақ­стан Республикасы Парламен­ті Мәжілісінің 5-ші шақыры­лым­дағы депутаты Юрий Тимо­щенко, Орталық Азия өңіріндегі эт­носаралық және конфессия­аралық қатынастарды зерттеу ор­та­лығының жетекшісі Айгүл Сәдуақасова, сондай-ақ, Еуро­пада­ғы қауіпсіздік және ынты­мақ­тастық ұйымының Аз ұлттар істері жөніндегі Жоғарғы Комис­са­риа­тының Орталық Азия өңірі бо­йынша жобаларының ассис­тенті Гүлжан Ермекбаева қатысып отырды. Одан соң Е.Тоғжанов Әзер­бай­­жан Рес­пуб­ликасының Қа­зақ­стандағы Төтенше және өкі­лет­ті елшісі Рашад Маммадовпен кездесті. Кездесуге қатысушылар ҚХА-ның халықаралық серік­тестігі шеңберінде онымен іс-қимыл жасау, қоғамдық келі­сім мен жалпыұлттық бірліктің қазақстандық үлгісінің ерекше­ліктері мәселелерін талқылады. Сонымен қатар, тараптар мем­ле­кеттік этносаясат саласын одан әрі дамыту мәселелері бойынша пікір алмасты. Әңгіме арқауы негізінен екі ел арасындағы мәдениетаралық үнқатысуды одан әрі дамыту мәсе­лелері, гуманитарлық өзара іс-қи­мылдың маңызды бағыттары бол­ды. Шетелдіктер этносаралық келісімді қамтамасыз етудегі Қазақстанның оң тәжірибесін ай­рық­ша атап, жүргізіп отырған бейбіт­шілік пен келісім саясатын өте жоғары бағалайтындықтарын жеткізді. Динара БІТІКОВА, «Егемен Қазақстан». Суретті түсірген Ерлан ОМАРОВ.