Мемлекет басшысы Ұлттық банк төрағасын қабылдады

АСТАНА. 10 ақпан. Мемлекет басшысы Ұлттық банк төрағасы Данияр Ақышевты қабылдады. Бұл туралы akorda.kz хабарлады. Данияр Ақышев кездесу барысында Мемлекет басшысына ақша-несие саясатындағы негізгі бағыттар мен қаржы секторының тұрақтылығын қамтамасыз ету жөніндегі шаралар туралы баяндады. Қазақстан Президенті қаржылық тұрақтылықты қамтамасыз ету және экономиканы дамытуға ықпал ету жөніндегі жұмысты жалғастырудың маңыздылығына тоқталып өтті. Елбасы шағын және орта бизнес субъектілеріне, сондай-ақ, баспана құрылысын одан әрі жалғастыру ісіне қолдау көрсету қажеттігіне де назар аударды. Данияр Ақышев экономиканың нақты секторын қаржыландыру шаралары елдің даму қарқынына оң әсерін тигізуі қажеттігін айтты. Мемлекет басшысы кездесу қорытындысы бойынша бірқатар нақты тапсырма берді. Еламан Қоңыр. Дерек, сурет: akorda.kz.