Түркияда террорлық әрекет салдарынан 28 адам қаза тапты

АСТАНА. 18 ақпан. Өткен түнде Түркия астанасы – Анкара қаласында жарылыс болып, 28 адам қаза тапты. Лаңкестік оқиға қаланың орталық ауданында орналасқан әскери жатақхананың маңайында болған. Бұл туралы ТАСС ақпарат агенттігіне сілтеме жасаған egemen.kz тілшісі хабарлады. Соңымен қатар, жарылыс болған ауданда Түркияның әскери әуе күштері және әскери теңіз күштері қолбасшылығының ғимараты орналасқан. Одан бөлек, оқиға орнынан 100-300 метр жерде Бас штаб, Ішкі істер министрлігі және Парламент ғимараты бар. Алдын ала белгілі болған деректерге қарағанда, бағдаршамға тоқтаған Түркия Қарулы күштерінің қызметтік автобусы жанында мина қойылған автокөлік жарылған. Бұл кезде автобуста қызметтерінен жатақханаға қайтып келе жатқан сарбаздар мен офицерлер болған. Түркияның Бас штабы осы оқиғаға байланысты ел астанасында әскери қызметшілерге террорлық шабуыл жасалғанын мәлімдеді. Соның салдарынан 28 адам қаза тапса, 61-і жарақат алды. Еламан Қоңыр. Дерек: ТАСС. Сурет: EPA.