Ақтөбеде бір тәулікте 250-ден астам адам құтқарылды
Ақтөбе өңіріне биыл қыс ерте түсті. Қардың түсуі де мол. Ақпан айы да құбылмалы болып тұр. Қазір күшіне мінген аяздың арты жылымыққа ұласып жүре береді. Бір сәт шайдай ашылып тұрған күн аяқ астынан бүлініп шыға келеді. Үстіміздегі жылғы 17 ақпаннан 18 ақпанға қараған түні ауа райының бұзылуы салдарынан автокөліктің барлық түрлері үшін күре жолдар жабылды.
Біз өңірде қалыптасқан жағдайды білмек болып облыстық төтенше жағдайлар департаментіне хабарласқан болатынбыз. Департаменттің мемлекеттік тіл және ақпарат тобының бас маманы Динара Атыраубаеваның айтуынша, ауа райының күрт құбылуына байланысты Ақтөбе қаласы мен облыс аудандарында телеарналар арқылы жолдардың жабылуы туралы ақпараттық хабарлар дер кезінде ұйымдастырылған. 17 ақпанда 19.00 сағатта жүргізушілер үшін Instagram әлеуметтік желісіндегі Zello_aktobe тобына елді мекендерден тысқары шықпаулары қажеттігі жөнінде ақпарат жіберілген.
Соған қарамастан, тәуекелге бел буып, жолға шыққандар бар болып шықты. Апаттық-құтқару жұмыстарын жүргізу кезінде 3 адам құтқарылған, оның біреуі бала. Сондай-ақ, боранда қалған 12 асыл тұқымды ірі қара құтқарылған. Осы екі күнде 253 адам эвакуацияланған, оның 16-сы бала. Жылыту пункттеріне 73 адам жеткізіліп, қар құрсауынан 45 техника шығарылған.
– Апаттық-құтқару жұмыстарына 149 адам және 90 бірлік техника жұмылдырылды. Жылыту пункттерінде орналастырылған 73 адам қазіргі кезде қозғалыстарын жалғастырды, оның тоғызы Ресей Федерациясының, екеуі Қырғыз Республикасының азаматтары. Олар түгелдей ыстық тамақпен қамтамасыз етілді. Департаменттің жедел штабы жұмысын жалғастыруда, – дейді Динара Атыраубаева.
18 ақпанда облыс аумағы антициклонның ықпалында болды, жел, көктайғақ, оңтүстіктен, оңтүстік-батыстан соққан желдің жылдамдығы секундына 9-14 м, ұйытқуы 15-20 метрге жетті.
Қазір ауа райы жақсарды. Барлық бағыттағы жолдар ашылды, көлік қатынасы қалыпты жағдайда.
Сатыбалды СӘУІРБАЙ,
«Егемен Қазақстан».
Ақтөбе облысы.
Ақтөбеде бір тәулікте 250-ден астам адам құтқарылды
Ақтөбе өңіріне биыл қыс ерте түсті. Қардың түсуі де мол. Ақпан айы да құбылмалы болып тұр. Қазір күшіне мінген аяздың арты жылымыққа ұласып жүре береді. Бір сәт шайдай ашылып тұрған күн аяқ астынан бүлініп шыға келеді. Үстіміздегі жылғы 17 ақпаннан 18 ақпанға қараған түні ауа райының бұзылуы салдарынан автокөліктің барлық түрлері үшін күре жолдар жабылды.
Біз өңірде қалыптасқан жағдайды білмек болып облыстық төтенше жағдайлар департаментіне хабарласқан болатынбыз. Департаменттің мемлекеттік тіл және ақпарат тобының бас маманы Динара Атыраубаеваның айтуынша, ауа райының күрт құбылуына байланысты Ақтөбе қаласы мен облыс аудандарында телеарналар арқылы жолдардың жабылуы туралы ақпараттық хабарлар дер кезінде ұйымдастырылған. 17 ақпанда 19.00 сағатта жүргізушілер үшін Instagram әлеуметтік желісіндегі Zello_aktobe тобына елді мекендерден тысқары шықпаулары қажеттігі жөнінде ақпарат жіберілген.
Соған қарамастан, тәуекелге бел буып, жолға шыққандар бар болып шықты. Апаттық-құтқару жұмыстарын жүргізу кезінде 3 адам құтқарылған, оның біреуі бала. Сондай-ақ, боранда қалған 12 асыл тұқымды ірі қара құтқарылған. Осы екі күнде 253 адам эвакуацияланған, оның 16-сы бала. Жылыту пункттеріне 73 адам жеткізіліп, қар құрсауынан 45 техника шығарылған.
– Апаттық-құтқару жұмыстарына 149 адам және 90 бірлік техника жұмылдырылды. Жылыту пункттерінде орналастырылған 73 адам қазіргі кезде қозғалыстарын жалғастырды, оның тоғызы Ресей Федерациясының, екеуі Қырғыз Республикасының азаматтары. Олар түгелдей ыстық тамақпен қамтамасыз етілді. Департаменттің жедел штабы жұмысын жалғастыруда, – дейді Динара Атыраубаева.
18 ақпанда облыс аумағы антициклонның ықпалында болды, жел, көктайғақ, оңтүстіктен, оңтүстік-батыстан соққан желдің жылдамдығы секундына 9-14 м, ұйытқуы 15-20 метрге жетті.
Қазір ауа райы жақсарды. Барлық бағыттағы жолдар ашылды, көлік қатынасы қалыпты жағдайда.
Сатыбалды СӘУІРБАЙ,
«Егемен Қазақстан».
Ақтөбе облысы.
Соңғы жаңалықтар
