Өнеге өрісі

Астана қаласы білім басқармасының ұйымдастыруымен таяуда «Өзін-өзі тану: махаббат пен шығармашылық педагогикасы» атты республикалық онкүндік өткізілді. Онкүндіктің мақсаты – «Өзін-өзі тану» адамгершілік-рухани бі­лім беру бағдарламасының негі­зінде жататын тәрбие және білім беру жүйесінде балалар мен жас­тарды адамгершілік-рухани жетіл­діру идеясы, оқушыларды жалпы ада­ми құндылықтар әлеміне тартып, адами қарым-қатынас нор­масы­мен таныстыру, азаматтық мә­де­ниет қалыптастыру және дамыту. Астана қаласының білім бе­ру мекемелерінде онкүндік аясын­да Рухани-адамгершілік бағдар­ла­масының авторы С.А. Назарбаева­ның қызметі туралы «Мейірім төгетін ана» атты кітап көрмесі, бала­лардың шығармашылық жұ­мыс­тары көрмелері, түрлі спорт­тық, танымдық іс-шаралар, де­баттық ойындар өткізілді. Балалар үйі, Жасөспірімдер үйі­нің түлектерімен «Сен де бір кір­піш дүниеге» атты кездесу ұйым­дастырылып, кездесуге әйгілі спортшы Серік Сәпиев те келіп, балаларды шабыттандырды. «SOS»-Астана балалар ауылында «Құлақтан кіріп бойды алар» атты әдебиет жиыны өткізілді. Балалар үйінің тәрбиеленушілері үшін Отан, балалық шақ туралы өлеңдер оқылып, «Мен келемін» әні орындалды. Іс-шараға Басқару колледжі мен № 51 орта мектебінің мұғалімдері қызу атсалысты. №53 мектеп-лицейінде жоғары сынып оқушылары арасында өнегелік, жүрек жылуы, Отанға деген сүйіспеншілік, адамгершілік тақырыбында дебат сайысы өт­кізілді. №7 мектеп-гимназиясында «Алтын жүрек анамыз» атты қала­лық мәнерлеп оқу сайысы ерек­ше орын алды. Бұл сайыста І орынды мектеп оқушысы Диас Төлепбергенов иеленді. Гума­ни­тарлық колледжінде «Мейі­рім­ділік» фестиваліне Балалар үйі мен «SOS» балалар үйінің тәр­биеленушілері белсенді қатысты. Айта кетер жайт, онкүндік ая­сында өткізілген мектепке дейін­гі мекемелер арасында үздік сурет­тер, мектептер арасында үздік шы­ғармалар, колледждер арасын­да үздік эссе байқаудың қоры­тындысы бойынша үздік деп та­нылған шығармалар Білім бас­қар­масы құрастырған жинаққа енді. Онкүндіктің салтанатты жабылуы барысында үздік деп танылған қолөнер бұйымдары, ашық хат және суреттер байқаулары, «Алтын жүрек анамыз» атты мәнерлеп оқу, өнегелік, жүрек жылулығы, жалпыадамзаттық құндылықтар туралы дебат сайыстарының жеңімпаздары марапатталып, сыйлықтар табыс етілді. Мерекелік іс-шара осы онкүндік барысында өнер көрсеткен жеңімпаздар мен жүлдегерлердің күшімен дайындалған концерттік бағдарламамен аяқталды. Даниел ШАЙЫНҒАЗИН.