Қытайда көк түтіннен арылу үшін желдеткіштер орнатылады

АСТАНА. 21 ақпан. Қытай астанасы Бейжің қаласында көк түтіннен арылу үшін арнайы желдеткіштер орнатылады. Бұл туралы bnews.kz сайтына сілтеме жасаған egemen.kz тілшісі хабарлады. «Арнайы қойылған желдеткіш дәліздері қаладағы түтін мен шаң-тозаңнан құтылуға септігін тигізеді деген ойдамыз», – дейді Бейжіңнің қала құрылысы комитеті басшысының орынбасары Ван Фэй. Оның айтуынша, желдеткіштің ұзындығы 80 метрге дейін созылуы мүмкін. Қала ішіндегі саябақтар, су қоймалары сияқты бірнеше орындар бір-бірімен байланыстыра орнатылады.Бейжің қаласының экологиясын жақсарту мақсатында билік өкілдері 16,5 миллиард юань (2,5 миллиард ) қаржы жұмсауды жоспарлады. Айта кетейік, Аспанасты елінің бас қаласы мен солтүстік өңіріндегі бірнеше елді-мекендерде өткен жылы денсаулыққа қауіпті саналатын ауаның ластануы арнайы қойылған мөлшерден бірнеше мәрте асып кеткен. Осының салдарынан бірнеше жол-көлік оқиғалары болып, тұрғындар арнайы бетперде киюлеріне тура келді. Қала маңындағы бірнеше кәсіпорындар уақытша өз жұмыстарын тоқтатты. Аян Әбдуәли. Дерек, сурет: bnews.kz.