Тасқынға тосқын қою қажет

Кеше Үкімет үйінде Пре­мьер-Министрдің бі­рінші орынбасары Ба­қыт­жан Сағынтаев орта­лық және жергілікті атқа­ру органдарының 2016 жыл­дың су тасқыны кезеңіне дайындығы мәселелері бойынша селекторлық кеңес өткізді, деп хабарлады Премьер-Министрдің баспасөз қызметі. Қазіргі уақытта рес­пуб­ликаның су қоймаларында күзгі су тасқынын өткізу үшін сыйымдылық мүм­кін­діктері бар. Су тасқынының алдын алу және жою үшін ЖЖМ, инерт­­ті мате­риалдар қоры дайын­­дал­ды, елді мекендерде қар шы­­ғару жұмыс­тары жүргі­зілуде. Тасқын суларды гидротех­ни­калық ғимараттардан апат­сыз өткізу, өзендер бассейн­дері учас­келерінде алдын алу іс-шараларын жүргізу мақса­тын­да тасқынға қарсы тиесілі комиссия құрылды. Қарағанды, Ақмола және басқа да облыстар су тасқы­ны­нан зардап шеккен 2015 жылғы наурыз-сәуір оқиғаларының қайталануына жол бермеу үшін барлық қажетті шаралар­ды қабылдау қажет, деп атап өтті Бақытжан Сағынтаев. Осыған байланысты Пре­мьер-Министрдің бірінші орын­басары өңір әкімдіктеріне орта­лық мемлекеттік орган­дар­мен бірлесіп тасқын жағ­дайына күн сайынғы монито­ринг пен бақылау жүргі­зуді, арнайы және инже­нер­лік техниканы тасқын қаупі бар жерлер­ге жақын шоғыр­лан­дыруды, көпір­лерді, арық-канал жүйе­лерін, өзен ар­наларын, гидротех­ни­ка­лық ғимараттар мен қорға­ныс бөгет­терін қар суы мен тас­қын сулардың үлкен көле­мін өткізуге дайындауды, халықпен елді мекендерді су басып қалу қаупі төнген жағдай­да мінез-құлық ережесі бойын­ша түсінік жұмыстарын жүр­гізу ісін ұйымдастыруды тапсырды.