Денсаулық сақтау жүйесі кеңінен жетілдірілетін болады

Бұл туралы кеше Президент жанындағы Орталық коммуникациялар қызметінде өткен брифингте Денсаулық сақтау және әлеуметтік даму вице-министрі Елжан Біртанов мәлімдеді.  Жиын барысында вице-министр Мемлекет басшысының 2016 жылғы 15 қаңтарда 2016-2019 жылдарға арналған «Денсаулық» мемлекеттік бағдарламасына қол қойғанын еске салды. Аталмыш бағдарламаның негізгі бағыттары халықтың денсаулығын қорғауға негіз болатын қоғамдық денсаулық сақтау жүйесін дамыту, алғашқы медициналық-санитарлық кө­­мекті жетілдіру, халықтың сұ­­ранысына қарай барлық ден­саулық сақтау қызметтерін біріктіру, ме­дициналық қызметтің сапасын арттыру, денсаулық сақтау жүйесінің қаржылық тұ­рақ­тылығын реттеу болып табы­лады. Сондай-ақ, халық­ара­лық озық тәжірибеге сәй­кес, ден­саулық сақтау жүйесін дамы­туға негіз ретінде Қоғамдық ден­саулық сақтау жүйесі құры­латын болады. Халық арасында саламатты өмір салтын насихаттау шараларын жүргізу, жұқпалы ау­рулар және психикалық ауыт­қуларға ұшыраған азаматтарды ба­қылау, эпидемиологиялық қауіп­­сіздік пен денсаулықты қор­ғау салаларындағы заңна­ма­ның сақталуын бақылау құры­­латын жүйенің атқаратын негіз­­гі міндеттеріне жатады. Ви­це-министрдің айтуынша, оқу­шы­ларды сауықтыруға да баса назар аударылатын болады. Мем­ле­кеттік бағдарламаның аясында оқу­шы­ларға арналған сауықтыру шара­ларының жыл бойғы күнтізбесін жасау жоспарланып отыр. Сонымен қатар, Елжан Бір­танов 2015 жылы Қазақстанда тіркелген клиникалық тиімділігі дәлелденген дәрілік заттардың тізімі туралы ақпарат беретін және әрбір тауар атауының шекті бағасы көрсетілген Ұлттық дәрілік формуляр жасалғанын мәлімдеді. Сөз соңында ол 2019 жылға қарай халықты электрондық ден­сау­лық төлқұжатымен және элек­трондық госпиталдаумен қамта­ма­сыз ету 50 пайызға, бірегей желіге қо­сылған медициналық ұйымдар үлесі 80 пайызға жететінін хабарлады. Рауан ҚАЙДАР, «Егемен Қазақстан».