Астықты өлкедегі алқалы жиындар

Кеше «Нұр Отан» партиясы Төрағасының бі­рінші орынбасары Асқар Мырзахметовтің бас­шылығымен партияның республикалық сайлауалды штабының өкілдері Қостанай облысындағы металлургия комбинатының, ауылшаруашылық бірлестіктерінің және кондитер фабрикасының еңбек ұжымдарымен кездесулер өткізді. Үгіт-насихат тобы құрамында Пар­ла­мент Мәжілісі V шақырылымының депутаттары Нұрлан Әбдіров, Бақытжан Ер­таев, Ирина Аронова, сонымен қатар, «Қазақстан мүгедектер конфедера­циясы» бірлестігінің президенті Жа­нат Омарбекова, Халықаралық биз­нес университетінің президенті Кен­же­ғали Сағадиев, «Алпамыс» аяқ киім фабрикасы» ЖШС директоры Ал­ма­гүл Сауденова, «Цветная» ЖШС құрылтайшысы Иван Клименко және та­ғы басқалары бар. Кездесу аясында «Соколов-Сарыбай тау-кен байыту өндірістік бірлестігі» ЖШС-нің алаңында 500-ге жуық адам­ның қатысуымен алдағы сайлауға ар­налған арнайы митинг өтті. ТМД көле­мінде темір кентас шикізатын өндіретін ірі кәсіпорында 100 пайыздық темір кен­ді жентек өндіріп, шикізаттың 22 пайы­зы экспортқа шығарылады. «Көріп тұрға­ны­мыздай, 16 мыңнан астам адам жұ­мыс істейтін зауытта жағдай тұрақты. Экономикалық қиындықтарға қарамастан, мемлекеттік қолдаудың нәти­жесінде еліміз бойынша металлургия кеше­ніндегі өндіріс көлемі өткен жылы 14 пайызға ұлғайып отыр», – деді өз сөзінде Асқар Исабекұлы. Ал «Алтынсарино» ЖШС-нің шаруаларымен кездесу барысында штаб жетекшісі алдағы уақытта аграрлық сек­торды оң өзгерістер күтіп тұрғанын алға тартты. 2015 жылы облыста дәнді-дақыл­дардың барлық көлемі 4 млн. тоннаны құраса, бұл республика бойынша ең жо­ғары көрсеткіш болды. Жалпы, азық-түлік өндіру жөнінен Қостанай рес­публика бойынша үшінші орында көрі­неді. Мұнда бүкіл өнімнің 11 пайызы өндіріледі екен. Тағы бір ерекше атап кетерлігі, облыс бюджетінің 53%-ы (83,8 млрд. теңге) әлеу­меттік салаға жұмсалады. 2011-2015 жыл­дар аралығында білімге бағытталған қара­жат көлемі 1,6 есеге (29,9 млрд.-тан 47,3 млрд. теңгеге), ал денсаулық сақ­тау саласына 1,5 есеге (19,4 млрд.-тан 29,1 млрд. теңгеге) артқан. Өңірде 6 мек­теп, 2 мектепке дейінгі мекеме және 18 денсаулық сақтау нысаны бой кө­тер­ген. Жиынға кондитерлерден өзге Қостанайлық политехникалық колледж ұжымы да қатысты. Ал өңірге арнайы келген республикалық сайлауалды штаб өкілдерінің сапары әлеуметтік қорғау мәселесімен айналысуға дағдыланған үкіметтік емес ұйым өкілдерімен «Нұр Отан» партиясының облыстық филиалындағы кездесумен аяқталды. Асқар ТҰРАПБАЙҰЛЫ, «Егемен Қазақстан». ҚОСТАНАЙ.