Атырауда 5,2 млрд. теңгенің қаржысы жария етілді

АТЫРАУ. 1 наурыз. Атырау облысында мүлікті заңдастыру шарасы барысында тұрғындардың 5,2 млрд. теңгені құраған қаржысы жария етілді. Бұл туралы Атырау облысы бойынша мемлекеттік кірістер департаменті баспасөз қызметінің мәліметіне сілтеме жасаған egemen.kz тілшісі хабарлады. Мүлікті заңдастыру шарасы басталғалы бергі мерзімнен тұрғындар тарапынан 1206 өтініш түсіпті. Өтініштерді сараптаған комиссия шешімімен биылғы 1 наурызға, яғни, дәл бүгінге дейін жалпы құны 9,8 млрд. теңгені құрайтын мүліктер, сонымен бірге, бұдан бөлек 5,2 млрд. теңгенің қаржысы жария етіліп отыр. Ал ел аумағынан тысқары, яғни, шет елдегі мүлікке қатысты 8 өтініш берілген. Осы өтініштер негізінде 74 млн. теңгенің мүлігін де жария етуге комиссия шешімі алынды. Жолдасбек Шөпеғұл. Дерек: Атырау облысы бойынша мемлекеттік кірістер департаменті. Сурет: 7kun.kz.