Әйгілі актер Джордж Кеннеди қайтыс болды

АСТАНА. 1 наурыз. Әйгілі актер, 1968 жылы «Оскар» сыйлығының жеңімпазы Джордж Кеннеди 91 жасында дүниеден өтті. Бұл туралы «Интерфакс» ақпарат агенттігіне сілтеме жасаған egemen.kz тілшісі хабарлады. Немересі Кори Шенкельдің айтуынша, актер Айдахо штатына қарасты Бойсе қаласында қайтыс болды. Джордж Кеннеди – Екінші дүниежүзілік соғыстың ардагері, 16 жыл бойы АҚШ әскерінде қызмет еткен. Соғыстан оралған соң, «Шарада» (Charade), «Тыныш, тыныш, сүйікті Шарлотта» (Hush, Hush, Sweet Charlotte), «Феникстің ұшуы» (Flight of the Phoenix) секілді бірнеше фильмдерге түскен. «Салқынқанды Люк» (Cool Hand Luke) және «Ашық қару» (The Naked Gun: From the Files of Police Squad!) кинокартиналары арқылы атағы шарықтай түсті. 1968 жылы Джордж Кеннеди «Салқынқанды Люк» драмасындағы Драглайн рөлін сомдағаны үшін «Оскар» сылығының «Екінші пландағы үздік актеры» атағын иемденді. Кино өнеріндегі еңбегіне байланысты Голливудтағы «Даңқ аллеясының» жұлдызы берілген Аян Әбдуәли. Дерек: «Интерфакс». Сурет: kp.ru.