пән ретінде енгізілуі мүмкін
Қазақстанда Ұлттық бірыңғай тестілеуді тапсыруға арналған міндетті пәндер құрамына ағылшын тілін енгізу жоспарланған, деп мәлімдеді кеше Орталық коммуникациялар қызметінде өткен брифингте Білім және ғылым вице-министрі Такир Балықбаев.
– «Біз қазір міндетті пәндердің бірі ретінде ағылшын тілін енгізбекшіміз. Ұлттық бірыңғай тестілеуді реформалауды жоспарлап отырмыз. Ресейде 2021 жылдан бастап ағылшын тілі енгізіледі. Сондықтан, ағылшын тілінің міндетті пәндердің бірі ретінде енгізілуі әбден мүмкін», – деді ол өз сөзінде.
2015 жылғы қарашада үш тілде білім беруді дамытудың 2015-2020 жылдарға арналған Жол картасы бекітілгені белгілі. Ол мемлекеттік тіл – қазақ тілін, ресми тіл ретінде орыс тілін, сондай-ақ, әлемдік қауымдастықпен сәтті интеграциялану құралы болып табылатын ағылшын тілін үйретуге бағытталған.
Мемлекеттік тілді оқыту жүйесін жетілдіру мақсатында орыс тілді мектептердің 1-11 сыныптарына арналып деңгейлі оқулықтар мен оқу-әдістемелік құралдары әзірленді. 2015-2016 оқу жылында бұл оқулықтар мен оқу-әдістемелік кешендер Қазақстанның барлық өңіріндегі 41 мектепте сынамадан өткен болатын.
Үш тілді білім беруге көшу аясында білім беру тіліне қарамастан, барлық мектептер мен колледждерде «Қазақстан тарихы» пәнін қазақ тілінде, «Дүние жүзі тарихы» пәнін орыс тілінде оқыту жоспарланып отырғаны да тілге тиек етілді. Бірақ ол жоспар білім беру ұйымының және ата-аналар қоғамдастығының алқалық шешімінің негізінде іске аспақ.
Вице-министр мәлімдегендей, ҰБТ тапсырмаларында логикаға қатысты сұрақтар қарастырылады.
«Бірінші кезекте, біз нақты бір дәйектерді жаттап алудан логикалық тарапқа көшу арқылы ҰБТ-ны жетілдіруді көздеп отырмыз. Яғни, түлектеріміздің ойлау логикасын бағалаймыз. Ол үшін қазір біз жеке тапсырмаларды енгізіп жатырмыз», – деді Т.Балықбаев.
Рауан ҚАЙДАР,
«Егемен Қазақстан».
Қазақстанда Ұлттық бірыңғай тестілеуді тапсыруға арналған міндетті пәндер құрамына ағылшын тілін енгізу жоспарланған, деп мәлімдеді кеше Орталық коммуникациялар қызметінде өткен брифингте Білім және ғылым вице-министрі Такир Балықбаев.
– «Біз қазір міндетті пәндердің бірі ретінде ағылшын тілін енгізбекшіміз. Ұлттық бірыңғай тестілеуді реформалауды жоспарлап отырмыз. Ресейде 2021 жылдан бастап ағылшын тілі енгізіледі. Сондықтан, ағылшын тілінің міндетті пәндердің бірі ретінде енгізілуі әбден мүмкін», – деді ол өз сөзінде.
2015 жылғы қарашада үш тілде білім беруді дамытудың 2015-2020 жылдарға арналған Жол картасы бекітілгені белгілі. Ол мемлекеттік тіл – қазақ тілін, ресми тіл ретінде орыс тілін, сондай-ақ, әлемдік қауымдастықпен сәтті интеграциялану құралы болып табылатын ағылшын тілін үйретуге бағытталған.
Мемлекеттік тілді оқыту жүйесін жетілдіру мақсатында орыс тілді мектептердің 1-11 сыныптарына арналып деңгейлі оқулықтар мен оқу-әдістемелік құралдары әзірленді. 2015-2016 оқу жылында бұл оқулықтар мен оқу-әдістемелік кешендер Қазақстанның барлық өңіріндегі 41 мектепте сынамадан өткен болатын.
Үш тілді білім беруге көшу аясында білім беру тіліне қарамастан, барлық мектептер мен колледждерде «Қазақстан тарихы» пәнін қазақ тілінде, «Дүние жүзі тарихы» пәнін орыс тілінде оқыту жоспарланып отырғаны да тілге тиек етілді. Бірақ ол жоспар білім беру ұйымының және ата-аналар қоғамдастығының алқалық шешімінің негізінде іске аспақ.
Вице-министр мәлімдегендей, ҰБТ тапсырмаларында логикаға қатысты сұрақтар қарастырылады.
«Бірінші кезекте, біз нақты бір дәйектерді жаттап алудан логикалық тарапқа көшу арқылы ҰБТ-ны жетілдіруді көздеп отырмыз. Яғни, түлектеріміздің ойлау логикасын бағалаймыз. Ол үшін қазір біз жеке тапсырмаларды енгізіп жатырмыз», – деді Т.Балықбаев.
Рауан ҚАЙДАР,
«Егемен Қазақстан».
