Көпбалалы аналар ардақталды

Ақтөбе қаласының әкімі Бекбол Сағын 8 нау­рыз – Халықаралық әйелдер күні қарсаңында бір топ көп балалы аналарды мерекемен құттықтап, «Алтын алқа» және «Күміс алқа» медальдарымен марапаттады. Ол көпбалалы аналарға қоғамдағы және бала тәрбиесіндегі айрықша еңбектері үшін ал­ғыс сезімін білдіріп, отбасылық бақыт, бақуат­ты тұрмыс тіледі. Шаһар басшысы әр көпбалалы анаға мерекелік сыйлық пен гүл шоқтарын тапсырды. Көпбала­лы аналардың үшеуі «Алтын алқа», ал, оны «Күміс алқа» медалін омырауларына тағып, қуаныш құшағына бөленді. Қазір облыс орталығында 6479 көпбалалы ана тұрады, олардың 1272-і «Алтын алқа»,1537-сі «Кү­міс алқа», ал, 337-і «Батыр ана» және 288-і І-ІІ-ІІІ дәрежелі «Ана даңқы» медальдарының иегерлері болып табылады. 3045 ана төрт және одан да көп бала өсіріп, тәрбиелеуде. Жыл сайын қалада бала туу көрсеткіші көтеріліп, көпбалалы жас аналар қата­ры көбейе түсуде. Сатыбалды СӘУІРБАЙ, «Егемен Қазақстан». Ақтөбе.