Елден жырақ жүрсе де

Малайзияда оқып жүрген қазақстандық жастардың қауымдастық құрып, қазақ газетін шығарып отырғанына сүйсінесің Бүгінгі күні Малайзия мемлекеті Оңтүстік-Шығыс Азия айма­ғын­дағы экономикасы, мәдениеті, білім беру саласы, туризмі, ақ­па­раттық және инновациялық тех­но­логиясы өркениет үрдісіне сай жақсы дамыған, электрондық үкі­мет бағдарламасы толық мүм­кін­ді­гінде жұмыс істеп жатқан қуат­ты елдердің қатарына жа­тады. Сон­дықтан да біздің еліміздің сырт­қы саяси және басқа да ма­ңызды үйлестіру жүйесінде Малайзия өзіндік орны бар мемлекет болып табылады десек қазіргі уа­қытта біздің еліміз бен Малайзия арасында саяси, мәдени-эко­но­ми­калық байланыстардың бет алысы күннен-күнге жақсы үрдіспен да­мып келеді. Соның бір дәлелі ретінде аталмыш елдің жоғары оқу орындарында оқитын қазақ­стан­дық студенттердің саны мыңнан асып кеткенін мақтанышпен ай­туға болады. Жуырда осы елде білім алып жат­қан еліміздің жастары Қа­зақ­стан студенттерінің Малай­зия­да­ғы қа­уым­дастығын құрды. Қа­уым­дас­тықтың президенті болып ХЕЛП университетінің бизнесті бас­қару магистрі Абзал Оспанов сайланды. Қауымдастықтың құ­ры­луындағы не­гізгі мақсат – студенттер арасында ауызбірлік пен ынтымақтастықты қалыптастыру арқылы оларды екі ел арасында болып жатқан барлық қоғамдық-мәдени шараларға белсене қа­тыс­тыру, жағдайы қиын студенттерге көмек көрсету, хал­қы­мыздың мә­де­ниеті мен салт-дәс­түрін әлемге таныту, бойларына отансүйгіштік қасиетті сіңіру, екі елдің ара­сын­дағы өзара  байланысқа  дәнекер болу. Қауымдастық құрылған аз ға­на уақыттың ішінде бірнеше қо­ғам­дық-саяси маңызы бар ша­ра­ларды ұйымдастырып үлгерді. Атап айт­сақ, студенттердің ауыз­бір­­лігінің арқасында Қазақстан Рес­пуб­ли­касының Малайзиядағы елші­лі­гінің қолдауымен Тәуел­сіз­дік күні салтанатты түрде аталып өтілді. Сондай-ақ Рамазан айында 400-ге жуық адамға концерттік бағдар­ламамен қоса ауызашар берілді. Бұған қоса өткен жылдың қазан айында «Sports Planet Subang Grang» спорт кешенінде Малай­зияның жоғары оқу орын­дарында оқитын қазақ­стандық студенттер футболдан он үш команда құрып, өзара жарыс өт­кізді. Жарыста жеңімпаз болған ко­мандаға жа­ңадан шаңырақ кө­тер­ген қауым­дастықтың атынан кубок және ақшалай сыйақы берілді. Ең бастысы, жуырда қауым­дас­тықтың мұрындық болуымен қазақ-ағылшын тілінде он алты бет болып «МуКаz» газеті жарық көрді. Редакторы – ХЕЛП уни­вер­ситетінің бизнесті басқару магистрі Тілек Темірбеков. Газеттің атының өзі ағылшын тілінен ау­дар­ғанда «Малайзия – Қазақстан» немесе «Менің Қазақстаным» деген екі түрлі мағынаны білдіреді. Малайзиядағы студенттер қа­уым­дастығының демеушілерінің бірі – Алматы қаласында жақын арада шаңырақ көтерген жауапкершілігі шектеулі «КМВ Group» серіктестігі болып табылады. Серіктестік қызметінің бір тармағы Малайзия мемлекетінің жоғарғы оқу орындарымен және ондағы қазақ студенттерінің қауымдас­ты­ғымен тікелей байланысты. Со­ны­мен қатар серіктестік қыз­меткерлері бояуы кеппеген жаңа газеттің Қазақстанда таралуына да атсалысады. Газет түрлі-түсті бояумен, са­палы қағазбен және тартымды мақалалар беру арқылы бүгінгі күн талабына сай безендірілген. Га­зеттің негізгі авторлары – сол елдің әртүрлі оқу ордаларында білімін жетілдіріп жатқан өз жерлестеріміз. Аталмыш газет Қа­зақ­стан Республикасының Малай­зия­дағы Төтенше және өкілетті елшісі Бейбіт Атамқұлов және Малайзияның басқа да жоғары оқу орындары басшылары тара­пы­нан жоғары баға алды. Осылайша, аталмыш газетпен тығыз байланыста жұмыс істеуге ниет білдірген жоғары оқу орын­дарының саны да, жарнама беруге ықылас танытқан азаматтардың қарасы да көбейіп келеді. Сондай-ақ газетте жарияланған мақа­ла­ларда егеменді ел ретіндегі ұлт­тық бет-бейнемізді және еліміздің жетістігін танытуға басты назар аударылып отырады. Бұл газетті әлемнің әр түпкірінен келіп оқи­тын басқа елдердің студенттері де көріп, онда ағылшын тілінде жазылған материалдарды оқып, қазақ жастарының ауызбір­лік­те­рі­не таң қалып, жақсы пікір айтып жатқандары да жетерлік. Осы орайда айта кететін бір жәйт, осы газет арқылы бүкіл әлем жастары қазақ деген қонақ­жай халықтың және біздің егеменді еліміздің жарқын келбетін жете тани түсті, Қазақстанға деген қызығушылықтары да арта бастады десе де болады. Жуырда га­зеттің үшінші нөмірі он мың данамен жарық көрді. Ол Малай­зия­ның барлық жоғары оқу орын­дарында және өз елімізде тара­тыл­ды. Осындайда, ризашылық сезіммен: «Іске сәт, елін сүйген азаматтар» дегің келеді. Меруерт НҰРАХМЕТ, Малайзиядағы «Limkokwing» университеті магистратурасының түлегі, «КМВ Group» жауапкершілігі шектеулі серіктестігінің директоры.