Басты стратегиялық бағытымыз

Күнделікті өмірдегі әрбір іс жоспардан басталады. Жоспарсыз жасалған істің нәтижелілігі де аз. Осындай бір ауқымды жос­пар Елбасымыздың бастамасымен халыққа қарай жол тартқан «100 нақты қадам» Ұлт Жоспары» стратегиялық құжаты. Құжатпен танысқан әрбір қа­зақ­стандық азаматтың бойында бола­шағына деген үлкен сенім оянады. Себебі, Елбасымыздың кө­ре­­­гендігі бұл құжатта да көрініс тапқан. 5 институттық реформаны іске асыру бойынша жасалған 100 қа­дамның біздің басты стра­тегиялық бағытымызға айналуы – елдің ме­рейін үстем ететіні анық. Біз, жас­­­­тар, әрқашан Елбасының сарабдал саясатының қолдаушыларымыз. Себебі, өскелең ұрпақты міндетті түрде елдің болашағы алаңдатады. Қазіргі таңда әлемде, қала берді елімізде болып жатқан түрлі саяси оқиғалар қарапайым халықты да ойландырмай қоймайды. Елбасымыз өзінің әрбір сөй­леген сөзінде елдің бірлігі мен халықтың тұтастығы жайында ой қозғайды. «Бірлігі мықты ел озар» деген сөз Мәңгілік Елдің басты қағидасына айналуы тиіс. 100 нақты қадамнан тұратын Ұлт Жоспарында тұрақтылықты сақ­тау мен халық достығын дамыту бас­ты мін­деттердің бірі ретінде қарас­­тырыл­ған. Осыдан 8 жыл бұрын Елба­сы­мыздың тікелей бастамасымен құрылған «Жас Отан» жас­тар қанаты бүгінгі таңда еліміздегі әр­түрлі ұлт өкілдері жастарының басын біріктірген ең ірі жастар ұйы­мына айналды. Жасотандық жастар тарапынан былтыр Ассамблея жылын атап өту барысында түрлі іс-шаралар ұйымдастырылды. Біздің басты құндылығымыз – Тәуелсіздік. Биылғы жыл Елі­міз үшін ең ерекше жылдардың бі­рі. Еліміз еркіндік алып, туымыз тұ­ғы­рына қонғанына 25 жыл. Жұ­мыла көтерген жүк жеңіл де­мекші, тәуелсіздік жолында аянбай еңбек еткен аға буын өкілдерінің ізін жалғап, елдің дамуына үлес қосқысы келетін барлық жасты біздің қатарымызға шақырамыз. Тәуелсіздігіміз тұғырлы, елдігіміз ғұмырлы болсын!  Нұрғали ЖОЛДАСҚАЛИЕВ,  «Жас Отан» жастар қанатының Батыс Қазақстан облыстық филиалының төрағасы. Орал.