Ел бірлігінің үлгісін көрсетті

Кез келген сайлаудың елдің болашағы үшін маңызы зор. Сол себепті де, оның өту барысына ерекше мән беріледі. Осы ретте Қазақстан азаматы сайлаушы ретінде елімізде өткен Парламент Мәжілісі мен барлық деңгейдегі мәслихат депутаттарын сайлау науқаны лайықты деңгейде өткенін айтқым келеді. Мұны халықаралық байқаушылар да қаперлеріне алып, жоғары бағаларын беруде. Ендеше, кезекті рет сайлауды әділ әрі ашық өткізген Қазақстанды тағы бір саяси белесті бағындырды деуге толық негіз бар. Осы саяси додада бүкілхалықтық қолдауға ие болып, сайлаушылар дауы­сының 82,20 пайызын алған «Нұр Отан» партиясын жарқын жеңісімен құт­тықтаймын. Бұл – Елбасының елдің ертеңі үшін қолға алған игі бастамаларының аясына топтасқан бар­ша халықтың же­ңісі. Сайлауға бір кісі­д­ей қатысып, өз таң­дауын жа­са­ған қа­­зақстандық­­тар ел­­­д­егі тұрақтылық пен тату­лықты, ын­­­т­ы­­мақ пен келі­сім­ді, бейбітшілік пен бірлікті бүкіл әлемге паш етіп, біздің дұрыс жолды таң­да­ғанымызды тағы бір айғақтап берді. Сайлауға дауыс берушілердің 77,12 пайызының қатысуы халықтың өз болашағына бейжай қарамайтынын білдіреді. Бұрын-соңды Парламент Мәжілісі сайлауында мұндай белсен­ділік­тің болмағанын ескерсек, бү­гін­де Қазақстан халқының саяси сауа­ты артқан, азаматтық мін­деттің жауап­кершілігін сезінетін, елдің ертеңі үшін алаңдайтын деңгейге жеткенін аңғарамыз. Аталған сайлауға Т.Жүргенов атындағы Қазақ ұлттық өнер акаде­миясының ұжымы да бір кісідей атсалысып, өз таңдауларын жасады. Елдегі мәдениет пен өнердің дамуына өзіндік үлесін қосып келе жатқан академия қызметкерлері Қазақстанның болашағы жарқын боларына сеніммен қарайды. Меңінше, «Нұр Отан» пар­тиясының талассыз жеңісі – заңдылық. Себебі, осыған дейін де елімізде айтарлықтай іс тындырып, халықтың қолдауына ие болған партияның бұл жолғы сайлау­ал­ды бағдарламасы бүгінгі саяси және экономикалық талап­тардың үдесінен толық шығады. Онда дағдарысты еңсеру үшін Елбасы көрсетіп берген стратегиялық реформаларды іске асырудың басым бағыттары, халықтың әлеуметтік жағдайын жақсартудың негізгі тетіктері және елдің дамуына тың серпін беретін жаңа жобалар көрініс тапқан. Сондай-ақ, халықтың мәдениеті мен рухани өмірі де назардан тыс қалмаған. Сол себепті, халық өзін сөзбен емес, іспен дәлелдеген партияны таңдады. Енді Мәжіліс қабырғасына іскер, өз ісінің нағыз маманы, патриот азаматтар келеді деп үміттенемін. Оларға алдағы жұмыстарына сәттілік және жемісті еңбек тілеймін. Бибігүл НҮСІПЖАНОВА, Т.Жүргенов атындағы Қазақ ұлттық өнер академиясының ректоры.