Алжирде әскери тікұшақ апатқа ұшырап, 12 адам қаза тапты

АСТАНА. 28 наурыз. Алжирдің Мали мемлекетімен шекаралас аймағында әскери тікұшақ апатқа ұшырап, 12 адам қаза тапты. Бұл туралы РИА «Новости» ақпарат агенттігіне сілтеме жасаған egemen.kz тілшісі хабарлады. «Синьхуа» агенттігінің хабарлауынша, екі адам ауыр жарақат алды. Алжирдің қорғаныс министрлігінің хабарлауынша, Ми-171 әскери тікұшағы 27 наурыз күні Гринвичу уақыты бойынша сағат 18:00-де Адрар провинциясында апатқа ұшырады. Тергеу мәліметтеріне сәйкес, апат техникалық ақаулардың салдарынан болған. Ал «Рейтер» агенттігі осыған дейін тікұшақтың Таманрассет провинциясында құлағанын хабарлаған болатын. Айта кетейік, Алжирде мұндай оқиға 2014 жылдың ақпан айында да болған. Ол кезде әскери ұшақ апатынан борттағы 77 адам қаза тапты. Аян Әбдуәли. Дерек: РИА «Новости». Фото: 163gorod.ru.