29 Наурыз, 2016

Мемлекет басшысы бірқатар елдердегі елшілерді тағайындады

335 рет
көрсетілді
1 мин
оқу үшін
Akorda үлкеніАСТАНА. 29 наурыз. Қазақстан Президенті Нұрсұлтан Назарбаевтың Жарлықтарымен Қазақстан Республикасының Бразилия, Өзбекстан, Тәжікстан, Армения және Финляндия республикаларындағы Төтенше және өкілетті елшілері тағайындалды. Бұл туралы akorda.kz-ке сілтеме жасаған egemen.kz тілшісі хабарлады. «Мемлекет басшысының Жарлықтарымен: Қайрат Асаниязұлы Саржанов Қазақстан Республикасының Бразилия Федеративтік республикасындағы Төтенше және өкілетті елшісі қызметіне тағайындалды. Ерік Мылтықбайұлы Өтембаев Қазақстан Республикасының Өзбекстан республикасындағы Төтенше және өкілетті елшісі қызметіне тағайындалды, ол Қазақстан Республикасының Польша республикасындағы Төтенше және өкілетті елшісі қызметінен босатылды. Сондай-ақ, Нұрлан Мұсатайұлы Сейтімов Қазақстан Республикасының Тәжікстан республикасындағы Төтенше және өкілетті елшісі қызметіне, Тимур Бейбітәліұлы Оразаев Қазақстан Республикасының Армения республикасындағы Төтенше және өкілетті елшісі қызметіне  және Мұрат Әбуғалиұлы Нұртілеуов Қазақстан Республикасының Финляндия республикасындағы Төтенше және өкілетті елшісі қызметіне тағайындалды. Талғат Райымбек. Дерек, сурет: akorda.kz.