Жамбыл облысында 12 көппәтерлі үй пайдалануға берілді

ТАРАЗ. 30  наурыз. Жалпы мемлекеттік бағдарламаны жүзеге асыру басталғалы Жамбыл облысында 12 көппәтерлі үй пайдалануға берілді. Бұл туралы egemen.kz тілшісі хабарлады. «Қазақстанның тұрғын үй құрылыс жинақ банкі» АҚ Жамбыл облыстық филиалының директоры Евгений Шарыгиннің айтуынша, банк Өңірлерді дамытудың 2020 жылға дейінгі мемлекеттік бағдарламасының «Халықтың барлық санатына арналған тұрғын үй» және «Жас отбасыға арналған тұрғын үй» операторы болып табылады. ҚТҚЖБ тұрғын үйді сатып алушы мен жалға алушылардың пулдарын қалыптастыру және  клиенттің төлемқабілеттілігін тексеру жолдарымен тұрғын үйлерді конкурс негізінде  бөлуді қарастырады. Мемлекеттік бағдарламаны жүзеге асыру басталғаннан бері Жамбыл облысында 12 көппәтерлі  үй пайдалануға берілді. Солардың қатарында: «Жас отбасыға арналған тұрғын үй» бағыты бойынша жалпы ауданы 23,7 мың шаршы метр болатын 390 пәтерлі 5үй мен «Халықтың барлық санатына арналған тұрғын үй» бағыты бойынша жалпы ауданы 31,6 мың шаршы метр құрайтын 399 пәтерлі 7 тұрғын үй пайдалануға берілді. «2016 жылы Өңірлерді дамытудың 2020 жылға дейінгі бағдарламасы аясында «Арай» тұрғын үй кешенінде орналасқан жалпы ауданы 6,179 мың шаршы метр құрайтын 80 пәтерлі үй құрылысын аяқтау жоспарланып отыр. Пулға қатысу үшін өтініш беру биылғы жылдың 3 тамызында басталып, 3 қазанға дейін жалғасады. Сонымен қатар, тұрғын үйдің бағасы өзгеріссіз қалады және 1 шаршы метр үшін 116 мың теңге болады», деді спикер. Оралхан Дәуіт. Дерек, сурет:egemen.kz