Қазақ хандығының негізін қалаған Керей мен Жәнібекке ескерткіш-барельеф ашылды

Тәуелсіздік тартуы Бүгінгі ел тәуелсіздігіне берік негіз қа­лаған бабалар рухы асқақтап, ұр­пақ­тары есімдерін ұлықтап келеді. Осын­дай мерей сәттің жарасты жал­ғас­тығы Жетісу жерінде көрініс тапты. Елі мен жерін басқыншы жаулардан қор­ғап, халқының бірлігі үшін тер тө­гіп, қазақ хандығының негізін қалау­ға үлес қосқан Керей мен Жәнібек бабаларға Есік қаласында есім­дері айшықтала жазылған ескерткіш-барельеф орнатылды. Жиналғандар алдында Керей мен Жәнібектің тарихта қалған ерлігі мен мәміле­гер­лігі, басқа да құнды деректер жайына аудан әкімі Әлихан Той­баев жан-жақты тоқталды. Жас ұрпаққа үлгі-өнеге болған тұғырдың тиянағын келтірген аудандық мәслихат депу­тат­та­ры мен хандардың бейнесін тү­сіріп, әрлеген сәулетші Әб­ді­керім Әбдуәливке және ха­лық­тың бірлігін мұрат тұтқан ба­һа­дүрлердің ескерткішін жасауға қаражат бөлген Атымтай жомарт, түрік азаматы Зиядин Қа­сановқа ақ алғысын жеткізді. Тәуелсіз еліміздегі бүгінгі қол жеткен табыстар жайлы тебірене сөйлеген Қазақстан хал­қы Ассамблеясының мүшесі, академик Қазақбай Қасымов, Ұлы Отан соғысының ардагері Жолдан Иманқұлов, №6654 әс­ке­ри бөлім командирінің орын­ба­сары Жасқайрат Дабылбеков, Абылай хан атындағы орта мек­тептің оқушысы Абай Сейдін және басқалар хандардың тағы­лы­мын ұрпаққа ұран етіп, жас­тар­ға үлгі ету, ел болашағының жарқындығын бабалар өсиеті­мен сусындату қажеттігін баян­дады. Сондай-ақ, олар жиналған­дар­ды Елбасымен бірге болуға шақырды. Әскери борышын өтеу кезіндегі қырағылығы үшін Елбасы Жарлығымен «Жау­ын­герлік ерлігі үшін» медалін иеленген Ділшат Имамүсен­ұлы­ның ерлігі дәріптеліп, жастарға үлгі етілді. Күмісжан БАЙЖАН, Алматы облысы.