Қайта жарақтандырылып, қуаты артты

Тәуелсіздік тартуы «Ақтөбе металл құрыл­ғы­ла­ры зауыты» ЖШС-нің жұмыс істеп тұрған кәсіпорнын қайта жарақтандыру жұмыстары аяқ­та­лып, пайлалануға берілді. Бұл жоба қаланы үдемелі ин­дус­триялық-инновациялық да­мы­ту бағдарламасы аясында жү­зеге асырылды. Оған са­лын­ған инвестиция көлемі 350 мил­лион теңгені құрады. Қайта жарақтандыру бары­сын­да зауыттың өндірістік қуа­тын ұлғайту, осы заманғы тех­нологиялық үдерістер мен бағ­дарламалық жұмыстарды енгізу, өнімнің жаңа түрлерін шы­ғаруды меңгеру, зауытішілік ло­гисти­ка­ны оңтайландыру және өндіріс­тің тиімділігін арт­тыру жөніндегі жұмыстар жүргізіл­ді. Жаңа корпус тұрғызылды, 1000 КВт ара­лық станса пай­далануға берілді. Зауыт техникалық да­мы­ту­дың бекітілген жоспарына сәйкес, осы заманғы жоғары тех­нологиялық және дәлдігі жоғары құрал-жабдықтармен қайта жарақтандырылды. Ат­қа­рылған іс-шаралардың ар­қа­сында кәсіпорынның жоғары сапалы металл құрылғыларын өндіру қуаты екі есеге өсіп, айына 1000 тоннаға жетті. Шы­ғарылатын өнімнің негізгі түр­ле­рінің арасында базальтты тал­шықты жылытқышы бар «сэндвич» типіндегі қабырға және төбе жабатын панельдер бар. Олар тұрғын үй, қоғам­дық және өндірістік ғимарат­тар­дың сыртқы қабырғала­ры­на, төбе­леріне, шатырларына және қа­быр­ғалар арасына арналған. Зауыт биіктігі 200-ден 1300 мм-ге дейін болатын дәнекер­ле­нетін болат двутаврлар, мұ­най, мұнай өнімдерін, ауыз су және техникалық су, қыш­қыл­дар сақ­тау­ға арналған жер асты және жер бетіндегі сыйым­дылық­тар­ды шығарады. Соны­мен қатар, қой­малар, өн­дірістік цехтар, сауда кешендері сияқты өнер­кә­сіп­тік металл құрыл­ғы­ла­рын дай­ын­­дайды. Кә­сіпорын қайта жа­рақ­­танды­рыл­ғаннан кей­ін қо­сым­ша жаңа жұмыс орындары ашылды. Сатыбалды СӘУІРБАЙ, Ақтөбе облысы.