Егіндікөл ауданына жаңа әкім тағайындалды

АҚМОЛА. 6 сәуір. Ақмола облысының әкімі Сергей Кулагиннің өкімімен, Қазақстан Президенті Әкімшілігінің және аудандық мәслихат депутаттарының келісімі негізінде Егіндікөл ауданының әкімі болып Нариман Ихсанұлы Төлепов тағайындалды. Бұл туралы egemen.kz тілшісі хабарлады. Нариман Төлепов 1967 жылы туған. Целиноград ауыл шаруашылығы институтын ғалым агроном мамандығы бойынша бітірген. Еңбек жолын 1992 жылы Торғай облысы Жангелді ауданы Қызыл әскер совхозы жастар комитетінің төрағасы болып бастаған. Ол әр жылдары Торғай, Қостанай облыстарының ауыл шаруашылығы жүйесінде қызмет атқарды. 2007 жылғы тамыздан Қостанай облысы Қостанай аудандық мәслихатының хатшысы. 2009 жылғы қарашадан бастап Қостанай облысы Жангелді ауданының әкімі болды. Ал 2014 жылғы желтоқсаннан Ақмола облысы Бурабай ауданының ауыл шаруашылығы бөлімінің басшысы болып жұмыс жасады. 2015 жылғы маусымнан Ақмола облысының жердің пайдаланылуы мен қорғалуын бақылау басқармасының басшысы. Бақберген Амалбек. Дерек, фото: egemen.kz.