13 Сәуір, 2016

Дәрі-дәрмек формуляры жасалды

293 рет
көрсетілді
1 мин
оқу үшін
Doctor pressing touchscreen displaying holographic chemical formulaОл республикада сатылатын фармацевтика өнімдері бағаларын ырықтандырып отыруға қызмет етеді. Денсаулық сақтау және әлеу­меттік даму министрлігі формулярды алдағы мамыр айының басында іске қоспақшы. Бұл ведомство басшысы Тамара Дүйсенованың фармассоциациялар өкілдерімен меморандумға қол қою рәсімі өтіп жатқан кезде белгілі болды. Жаңа құжатқа сәйкес, 105 түрлі дәрі-дәрмектің бағалары бұ­рынғы қалыптарында ұсталып тұратыны атап көрсетілді. «Біз Қазақстанның ұлттық дәрі-дәр­мек формулярын жасадық. Ол өткен жылғы қараша айынан бері біздің сайтымызда ілулі тұрды. Формулярды жасауға бар­лық медициналық ұйымдар ат­салысты. Енді 1 мамыр күні біз оны өндірістік эксплуатацияға қос­пақшымыз», – деді министр. Ведомство басшысының атап көрсеткеніндей, енді еліміздегі дә­рігерлер, медбикелер, сто­матологтар, медициналық оқу орындарының студенттері мен басқа да медициналық қызметкерлер үшін дәрі-дәрмектерді таңдап алу мен қолдануда аталмыш формулярды басшылыққа алатын болады. Жобалық нұсқаға кепілді тегін медициналық көмек көрсету шең­берінде сатып алынатын дәрі-дәрмектердің тізімі енгізілген. Бұл тізімде қазіргі таңда Қазақстанның нарығында айналымда жүрген дәрі-дәрмектің барлық түрі бар. Министр формулярға дәлелді клиникалық базасы бар дәрі-дәрмектер тізімі кіргенін ерекше атап өтті. Сонымен бірге, бұл тізім күн сайын фармацевтік ассоциациялар мен халықаралық кі­тапханалардың талдауынан өтіп тұрады. Мұрат АЙТҚОЖА.