Кенелер шабуылға шықты

Олар Қызылорда облысында 146 адамды шағып алған Қазіргі кезде Сыр бойында осы жәндіктерге қар­сы жұмыстар жасалып жатыр. Облыстық тұты­ну­шылардың құқықтарын қорғау департаменті бас­шысының орынбасары Ұлбосын Аханаеваның айтуынша, облыс әкімінің өкімімен Конго-Қырым геморрагиялық без­гегі ау­руының алдын алуды үйлес­тіру жөніндегі жұ­мысшы тобы бекітілген. Наурыз айынан бастап өңірде кенеден залалсыздандыру жұмыстары жүргізілуде. Соның нәти­­жесінде Шиелі, Жа­ңа­қорған аудандарында жағ­дай тұрақталған. Өткен жылғы эпидемиологиялық кезеңмен салыстырғанда, кененің шағуы азайған. Десек те, залалды жән­діктің то­­пырақта, орман төсемінде, әр­түрлі ұя­ларда, індерде, өсімдік­терде, тұ­щы суларда, теңіздерде тіршілік ететінін ескерсек, қауіп­тің әлі сақталып тұр­­ғанын ай­туға болады. Кенелер – өрмекші тәрізді ұсақ жәндіктер. Олардың  20 мыңнан астам түрі бар деп есептеледі. Көпшілік кенелердің медициналық және жайылым кенесі, су кенесі, астық кенесі, қам­ба кенесі, өрмек кене, беріш кене, мамық кене, шаш кене деген сан алуан топтары бар. Сондықтан, облыста қолайсыз елді мекендерде көктем мен күзде екі рет кенеге қар­сы өңдеу шараларын жүр­гізуге  қыруар ақша бөлініп жатыр. Об­лыстық тұтынушылардың құ­қық­тарын қорғау департа­мен­тінің мәліметіне қарағанда, 166 млн. 315 мың теңге, сол жерлерде 300 метр радиус­та санитарлық-қор­ғаныс аймақтарын құру, дала тыш­қандарының індерін терең дус­тандыруға рес­пуб­ликалық бюд­жет­тен 26 млн.-нан астам теңге бөлін­ді. Ғани ИСЛАМБЕК