Аналар мен апалар тілегі

Біздің алдымыз тоқсанның үше­­уінде, соңымыз жетпістің бесеуінде, Ақтөбе облысындағы отыз бір зейнеткер аналармыз. Елбасы өкі­леттігін 2020 жылға дейін ұз­арту жайындағы бастамашы топ­тың ұсы­нысын, оны қолдаған Пар­ла­менттің шешімін қолдайты­нымыз­ды білдіріп, хат жазып отырмыз. Нұрсұлтан Әбішұлы тәуелсіз Қазақстанның негізін өз қолымен қалаған Тұңғыш Президентіміз. Елбасының көреген саясаткерлігі арқасында қазақ елі бұрынғы од­ақ­тастарымыздан оқ бойы озып шығып, халықтың әлеуметтік-эко­номикалық жағдайын көтеріп, он тоғыз жылдың ішінде дүние жү­зіндегі дамыған елдер қатарына қосылды. 130-дан астам ұлыстар мен ұлттардың тең құқықтарын сақ­тай отырып, ел ішінде бар­лы­ғы бір анадан туғандай тату-тәтті бейбіт өмір сүруге қол жеткіздік. Сарыарқаның төрінен әсем қала Астана тұрғызылды. Елбасының осындай ұлы да көреген саясат­керлігінің арқасында бүкіл түркі тілдес мемлекеттердің арасынан Қазақстан 2010 жылы Еуропа­дағы қауіпсіздік және ынтымақ­тастық ұйы­мына төрағалық етуге қол жеткізді. Қол жеткізіп қана қоймай, ЕҚЫҰ-ға бұрын басшы­лық еткен елдердің төрағалары­ның қолдарынан келмеген, ұйым­ға мүше 56 елдің мемлекет және үкі­мет бас­шыларын Астанаға жинап, Тәуелсіздік сарайында саммит өт­кізілді. Сөйтіп, осы саммитте Астана Декларациясы қабылданды. Енді біздер – аналар мен апалар Прези­ден­тіміздің дүние жүзін мойындатқан ұлы саясаткер­лігі­нің арқасында өзіміздің қандай дә­режеде күн кешіп жатқа­ны­мыз­ды баяндаймыз. Қазір ойлап от­ырсақ, кешегісіз – бүгін, бүгін­гісіз – ертең жоқ дегеннің ақиқа­тына көзіміз жеткендей. Облыс жағдайының жақсаруы арқасында об­лыс­тың барлық тұр­ғын­дары зейнетақымызды, ең­бек­­ақ­ылар мен жәрдемақыларды бір күн де кешіктірмей уақытында ал­ып тұрамыз және жылма-жыл зей­нетақымыз 25-30%-ға өсіп от­ыр. Басымызда баспа­намыз, дас­тар­қан­да асымыз, көбіміздің кө­лігіміз бар дегендей, адам жанына ке­ректің бәрі бар. Елбасы Жолдау­ында көрсеткен «100 мектеп, 100 аурухана» жобасы об­лысы­мызда түгелдей орын­дал­ды деп ай­туға болады. Облыс бой­ынша бар­лық фабрика-зауыт­тар жұмыс жа­сайды, жас мамандар ауылға деген ұранмен институт бітірген немерелеріміз аудан­дарға, ауылдарға ба­рып, өз ма­мандықтары бойынша ең­бек етуде. Жолдамамен барған жас ма­ман­дардың бәрі тұрғын үй­мен қам­­тамасыз етіліп, бір жолдық кө­термеақыларын алып жатыр. Со­­ның нәтижесінде, облыс бой­ын­ша жұмыссыздар саны жоқтың қа­сы. Еңбек және соғыс ардагер­ле­рінің облыс орталығын­да тегін емделіп, дәрі-дәрмегімізді тегін ала­тын емханамыз жұмыс жасайды. Біздер сияқты қарияларға не керек?! Жылы орын, жұмсақ тө­сек, тәтті тағам емес пе. Қазір бізде осының бәрі бар, Ақтөбе об­лысында тұрмысқа қажетті зат­тар­дың барлығының да бағасы бірқа­лыпты, өскен жоқ. Сөзіміздің соңында айтар ана­лық, әпкелік өтінішіміз: Елбасы «ха­­лық ұйғарса, хан түйесін соя­ды» деген қазақтың дана сөзінен атта­май­ды деп сенеміз. Өйткені, Нұр­сұлтан Назарбаев – респуб­ли­ка­мыздың Тұңғыш Президенті, ха­лықтың қа­лау­лысы, құрметті Елбасымыз. Бұл, бүкіл республика халқының, біздер сияқты зейнеткер аналар­дың тілегі, осы біздің тілегіміз ор­ындалады деп есептейміз. Зейнеткерлер атынан хат жолдаушы Қарылға КЕРЕЙҚЫЗЫ, барлығы 31 адам қол қойған.