Қауіпті әрекет

Ақтауда қонғалы келе жатқан әуе кемесінің ұшқышының көзіне лазер сәулесі түсірілген Ақтау халықаралық әуе­жайына қонғалы жатқан «Эйр Астана» компаниясына тиесілі КС-313 ұшағында күтпеген оқиға болды. Ол жасыл түсті ла­зерлік сәулемен көзінің тұм­шаланғанын хабарлаған. – Ұшқыштың айтуынша, әуежай сыртындағы даладан тү­сірілген лазердің әсер ету кү­ші өте жоғары болған. Бұл қа­­уіпті әрекет. Өйткені, ондай жағдайда адам айналасын бір­неше секундқа дейін бағ­дарлай алмай қалады. Ұшақтың қону, ұшу сәтінде бұл секундтар өте маңызды. Соған орай, біз әуежай аймағындағы тұр­ғын­­дардың жақсылап ойлануын сұраймыз, – дейді «Ақтау ха­­лықаралық әуежайы» АҚ атқа­рушы директоры Ерғазы Жолдасов. Оның айтуынша, мұндай жағдай Ақтау әуежайында осы­мен екінші рет қайталанып тұр екен. Алғашқы оқиғада да «Эйр Астана» компаниясы­ның ұшағына лазер сәулесі түскендіктен, әуежай бас­шы­лығы полицияға арыз жаз­ған­мен, бұзақыларды табу мүм­кін болмаған. Тентектердің «ермегі» ора­сан апатқа ұрындырып жүр­месіне кім кепіл? Сон­дық­тан, қауіпсіздік үшін әуе­жай маңында кең ауқымды ша­ралар қажет-ақ. Гүлайым ШЫНТЕМІРҚЫЗЫ, «Егемен Қазақстан» Маңғыстау облысы