Шахтадағы апаттан 11 кенші із-түзсіз жоғалып кетті

АСТАНА. 25 сәуір. Қытайдың солтүстік-батысында, Шэньси провинциясындағы шахтада болған апаттан 11 кенші із-түзсіз жоғалып кетті. Бұл туралы ТАСС ақпарат агенттігіне сілтеме жасаған egemen.kz тілшісі хабарлады. Оқиға Яочжоу уездінде, бүгін жергілікті уақыт бойынша сағат 08:00-де болды. Арнайы құрылған топ құтқару амалдарын жүргізіп жатыр. Апаттың неден шыққаны әзірге белгісіз, шахтада сонымен қатар тергеу амалдары жүріп жатыр. Айта кетейік, Аспанасты елінде бұл қызметтен жыл сайын мыңдаған кенші жұмыс орнындағы апаттан мерт болады. Мәліметтер бойынша олардың көбісі техникалық қауіпсіздіктің сақталмағанынан орын алады. Аян Әбдуәли. Дерек: ТАСС. Фото: ntv.ru.