Бидайдың жаңа түрі

Ақмола жерінде сынақтан өтіп жатыр Ақмола облысының Шортанды ауда­нын­да орналасқан А.Бараев атындағы астық шаруашылығы ғылыми-зерттеу институты бидай тұқымының жаңа бір түрін сынақтан өткізуде. Астықтың бұл сұрпы бұған дейін тек Германия, Польша, Франция, Австралия, Қытай, Венгрия және Беларусь елдерінде өсірілген. Отандық бидайдың басты ерекше­лігі – қуаңшылыққа шыдамдылығы. Қазір зерт­ханалық жағдайда сынақтан өтіп жатқан жаңа тұқым енді 7-8 жылдан кейін егістік даласына себіледі. Мамандардың айтуынша, бұл сұрыптың болашағы зор. Бізбен пікірлескен аталған институттың зертхана меңгерушісі Галина Штефан былай деді: – Аталмыш тұқымның қолданыс аясы өте кең. Оны шаруалар мал жемі ретінде де пайдалана алады. Бақберген АМАЛБЕК, «Егемен Қазақстан» Ақмола облысы, Шортанды ауданы