Ғалымдар жарылғыш затты анықтайтын құрылғы ойлап тапты

АСТАНА. 29 сәуір. Ұлыбританияда ғалымдар жарылғыш затты анықтайтын сканер ойлап тапты. Бұл туралы inform.kz-ке сілтеме жасаған egemen.kz тілшісі хабарлады. Мамандардың айтуынша осы арқылы лаңкестік әрекеттердің алдын алуға болады. Қазір жаңадан ойлап табылған құрылғы арнайы тексеруден өтіп жатыр. Лазер, камера және электронды чип орнатылған туынды қауіпті затты жаңылмай анықтайды. Мәліметтер бойынша, әуежайлар мен адам көп шоғырланған орындарда қолданған өте тиімді. Сондай-ақ, бақылауды күшейткенге де септігін тигізеді. Лафборо университетінің профессоры Джон Тайрер сканерді есікке бекітіп қойған дұрыс деген пікірін білдірді. Себебі, дәл осы кезде құрылғы жиналғандардың тұла бойын толығымен тексеріп тұрады әрі ешкімге кедергі келтірмейді. «Сканердің маңызы өте жоғары. Оны адамдарға тигізудің қажеті жоқ. Ешкімнің назарына ілікпейді. Әсіресе, лаңкестік әрекетін жүзеге асырғысы келгендер күдіктенбейтін болады», – деді Джон Тайрер. Аян Әбдуәли. Дерек, фото: inform.kz.