Бүгін Қазақстанның басым бөлігінде тұрақсыз ауа райы сақталады

АСТАНА. 2 мамыр. Бүгін Қазақстанның басым бөлігінде атмосфералық фронтальды бөліктердің өтуіне байланысты кей аймақтарда жауын жауады, найзағай ойнап, тұман түседі. Сонымен қатар, желдің күшеюі сақталады, оңтүстік өңірде бұршақ жаууы мүмкін. Бұл туралы Ішкі істер министрлігі төтенше жағдайлар комитетінің баспасөз қызметіне сілтеме жасаған egemen.kz тілшісі хабарлады. Оңтүстік Қазақстан облысының кей жерлерінде түнде найзағай ойнайды, желдің жылдамдығы секундына 15-20 метрге дейін күшейеді, түнде екпіні 23 метр болады. Қостанай облысының кей жерлерінде найзағай ойнап, түнде жел күшейеді, күндіз басым бөлігінде желдің жылдамдығы секундына 15-20 метрге дейін барады. Солтүстік Қазақстан, күндіз Ақмола, Павлодар, Қарағанды, Қызылорда облыстарының кей жерлерінде желдің жылдамдығы 15-20 метрге дейін күшейеді. Атырау облысының кей жерлерінде найзағай, тұман күтіледі. Маңғыстау облысының кей жерлерінде тұман, күндіз кей жерлерінде найзағай ойнайды. Батыс Қазақстан, түнде және таңертең Шығыс Қазақстан  облыстарының кей жерлерінде тұман күтіледі. Алматы облысының кей жерлерінде найзағай болады деп күтіледі. Шығыс Қазақстан облысының кей жерлерінде ауа температураы -2 градусқа дейін барады. Ал Ақтөбе облысының кей жерлерінде өте жоғары өрт қаупі сақталады. Аян Әбдуәли. Дерек: Ішкі істер министрлігі төтенше жағдайлар комитетінің баспасөз қызметі. Фото: newsbomb.gr.