Университет • 24 Тамыз, 2024
Аризонамен байланыс орнатқан университет
Солтүстік Қазақстан облысында жалғыз жоғары оқу орны – қазіргі Манаш Қозыбаев атындағы Солтүстік Қазақстан университеті 1955 жылы алдымен педагогикалық институт болып ашылды. 1994 жылы университетке айналды.
«Таза Қазақстан» • 23 Тамыз, 2024
Тазалыққа үндеп, бірлікке бастайтын акция
Мемлекет басшысының тапсырмасымен қолға алынған республикалық «Таза Қазақстан» акциясы Солтүстік Қазақстанда да белсенді түрде ұйымдастырылып жүр. Петропавлда өткізілген кезекті экологиялық іс-шараға әкімдік қызметкерлері, жастар, еріктілер, тұрғындар, бюджеттік сала қызметкерлері, қоғам белсенділері, белсенді қала тұрғындарын қоса есептегенде 100 шақты адам қатысты. Іс-шараның бастамашысы облыстық Жастар ресурсы орталығы болды. Ұйымның осындай іс-шараларына волонтерлермен бірге белсенді жастар өз еріктерімен келіп қатысады.
Аймақтар • 22 Тамыз, 2024
Суқоймалары қаншалықты қауіпсіз?
2011 жылы Су ресурстары және ирригация министрлігінде «Қазақ су шаруашылығы» («Қазсушар») атты республикалық маңызы бар су шаруашылығы нысандарын күтіп ұстау, пайдалану және олардың қауіпсіздігін қамтамасыз ету жұмыстарымен айналысатын мемлекеттік кәсіпорын құрылды. Бұл Үкіметтің 2011 жылғы 28 ақпандағы №196 қаулысына сәйкес Су ресурстары комитетінің шаруашылық жүргізу құқығындағы республикалық мемлекеттік кәсіпорындары мен республикалық мемлекеттік кәсіпорындарының еншілес мемлекеттік кәсіпорындарын қосу жолымен жасақталды. 2024 жылы оның құрамына «Нұра топтық су құбыры» ШЖҚ қосылды.
Есірткі • 20 Тамыз, 2024
Тәркіленген есірткі – жарты тоннаға жуық
Өңірде есірткіге қарсы күрес қарқынды жүргізілгеніне қарамастан бұл кеселдің заңсыз айналымы әлі де өршіп тұр. Облыстық ПД ақпараттық саясат бөлімінің қызметкері Игорь Мецаловтың мәлімдеуінше, жыл басынан бері заңсыз айналымнан 476 кило 446 грамм түрлi есiрткi заты тәркіленген. Оның ішінде 5 кило 611 грамы – синтетикалық есірткі.
Өндіріс • 20 Тамыз, 2024
Петропавл қаласында бір кезде КСРО әскери-өнеркәсіптік кешенінің бес бірдей алып зауыты болғанын бұрын да жазғанбыз. Олардың бәрі Екінші дүниежүзілік соғыс басталған жылдары ішіндегі құрал-жабдығымен, аса қажетті мамандарымен бірге, құпия үшін түрлі нөмірмен аталып, Ресей қалаларынан біздің қалаға көшірілген. Соның бірі Калинин атындағы құпия зауыт еді. Бұл зауыттың құпиялылығы сонда, ол – электр қуатын изоляциялайтын құрал-жабдықтар шығарады.
Аймақтар • 17 Тамыз, 2024
Өңір қазір көктемгі тасқында зардап шеккен нысандарды толық қалпына келтіріп жатыр. Соның ішінде қалаға су айдайтын «Қызылжар су» ЖШС-ның істен шыққан бірінші көтерілімінің сорғы стансасын толық қалпына келтіру жұмыстары қызу қолға алынды. Осы стансаны құр қалпына келтіріп, жаңалап, жаңғыртуға «Kazminerals» компаниясы қаражат құйған. Компания көтергі сорғысына осы заманғы, еуропалық құрылғы орнатуды көздейді.
Туризм • 15 Тамыз, 2024
Елімізде тарихы терең, табиғаты әсем жерлер баршылық. Соның бірі – Солтүстік Қазақстан облысындағы Айыртау ауданының аумағы. Оның жолы қалың тоғайлардың арасынан өтеді. Бұрын бұл аудан сұлулығы жағынан Бурабайдан кем түспейтін Имантау – Шалқар демалыс аймағы, ғалым Шоқан Уәлиханов өскен Айғаным ханшаның қыстауы, Ақан сері мен Үкілі Ыбырайдың шағын отаны ретінде әйгілі болса, қазір әлемге аты жайылған Ботай қонысымен де танымал.
Байқау • 15 Тамыз, 2024
Адам жанын арашалауға асыққандар
Жуырда Петропавл қаласында Денсаулық сақтау министрі Ақмарал Әлназарова мен облыс әкімі Ғауез Нұрмұхамбетовтің қатысуымен еліміздің түкпір-түкпірінен келген жедел жәрдем бригадалары арасында жеделдік, шеберлік, кәсіби көмек сараланған республикалық спартакиада өтті. Оған еліміздің түкпір-түкпірінен 20 команда қатысты.
Өндіріс • 14 Тамыз, 2024
Тәуелсіздік алғалы бері елімізде ашылған ірі өндірістік компаниялардың бірі – «Масло-дел» компаниясы. Бұл Отанымыздағы тамақ өнімдерін шығаратын ірі кәсіпорын санатында. Компанияның мақсаты – тұтынушыға жоғары сапалы өнім ұсыну.
Қоғам • 13 Тамыз, 2024
Оңтүстіктен қоныс аударған кейбір ағайын солтүстіктің қытымыр қысына шыдай алмайды. Олардың кейбірі біраз тұрып, қайта көшіп кеткен соң қыстың суығын асыра сілтеп айтып, көшкісі келгендерді үркітіп, қорқыта сөйлейтіндері де бар. «Адам тұратын жер емес, боранының қаттылығы сондай, екі үйдің арасына арқан тартып қойып, содан ұстап қатынайды. Болмаса адасып кетеді», деп шектен асырып жіберетіндердің барын да естідік.
