Білім • 06 Маусым, 2024
ҰБТ: Тасқыннан зардап шеккен түлектерге көмек
Ақмолада тіркелу мерзімі ұзартылды. Негізгі ұлттық бірыңғай тестілеуге өтініш 6–14 мамыр аралығында қабылданғанымен, көктемгі су тасқынына байланысты төтенше жағдай жарияланған өңірлерде уақыты ұзартылды.
Мирас • 30 Мамыр, 2024
Туған өлкенің тарихы түптеп келгенде ұрпақ кәдесіне жарайтындығы мәлім. Киелі жер мен қасиетті елдің өткенін ұмытпай, ұрпақ кәдесіне жаратсақ, кәнеки. Осы бір тәлімі мол дүние желкілдеп өсіп келе жатқан жас ұрпақтың бойына небір асыл қасиеттер сіңірер еді. Жақсы мысалдар аз емес. Мәселен, Ақсу кенті. Кенттегі №1 жалпы білім беретін орта мектептің мұражайында өрістетілген жұмыс өзгеге өнеге болуға әбден лайықты. Жас ұрпақты туған топырағын сүюге баулып, жан-жақты жетілдіруге сіңіріп жатқан қызметі айрықша. Сәл ғана таратып айтатын болсақ, мұражай алдымен өз ауылының, білім ұясының, Отанының төл тарихын зерделей зерттеп, әрқилы шығармашылық жобаларға оқушыларды белсенді қатыстырып, тылсым тарихтың тағылымын паш еді.
Шаруашылық • 30 Мамыр, 2024
Ырыздық жаңа техникамен ғана артады
Ырыздық жорығына ынталана кіріскен диқан қауымның қолын ауа райы байлап тұр. Жауынның салдарынан көктемгі егіс кідіргелі бір апта. Себу мерзімі ұзарып барады. Жер дегдіген соң, күрт қимылдау керек. Алға басқан қадамды кері кетіретін ендігі бір себеп – техниканың тозуы. Өңірдегі ауыл шаруашылығы техникасының 60 пайыздан астамы қаусап тұр.
Оқиға • 28 Мамыр, 2024
Антоновка – ілкі заманда тыңгерлер қоныстанған, етек-жеңі кең пішілген ауыл. Бұрын сап-сары болып тұратын. Кейінгі жылдары өңі өзгерді. Төңіректегі шағын ауылдың адамдары көшіп келіп жатыр. Себеп, қара жолдың бойына қоныстанған. Ауылды қақ жарып өтетін қара жолдың бойында қысы-жазы саудасы жүріп жатады. Негізінен картоп, көкөніс, қаз-үйрек сатады. Нәпақасын осы жаяу саудадан айырып тұрғандардың арасынан жергілікті ұлт өкілін емге таба алмайсыз.
Тағзым • 28 Мамыр, 2024
Айбынды тұлғаның асқақ ескерткіші
Ақкөл қаласында Кеңес Одағының батыры, Халық қаһарманы, Тәуелсіз Қазақстанның тұңғыш Қорғаныс министрі, армия генералы Сағадат Нұрмағамбетовтің 100 жылдық мерейтойына арналған салтанатты іс-шара өтті. Оған Мемлекет басшысы Қасым-Жомарт Тоқаевтың тапсырмасымен Сенат төрағасы Мәулен Әшімбаев қатысты.
Ең қысқа әңгіме • 27 Мамыр, 2024
Ауыл жігіттерінің қолы бос. Қызыл су тыйылып, жер қарайған соң тақымдарына басқан қылқұйрықтыларын жарата бастайды. Бұрынғыдай емес, ел ішінде бәйге көп. Көңіл аулайтын бір қызық осы.
«Таза Қазақстан» • 24 Мамыр, 2024
Атбасарды айнадай етіп тазалады
«Таза Қазақстан» акциясы аясында ұйымдастырылған шаруаға Атбасар қаласының тұрғындары бір адамдай атсалысты. Қаладан 365 тонна тұрмыстық қалдық шығарылып, Жабай өзенінің жағалауы ұқыпты қолдың табымен түрленіп, сыланып шыға келді.
Оқиға • 24 Мамыр, 2024
Сабыр ақсақалдың Американың үлкен бір университетінде оқитын немересі келіп, құрмалдық берген. Аумағы атшаптырым үлкен бөлменің ішінде ине шаншар жер жоқ.
Өндіріс • 23 Мамыр, 2024
Болашақтың іргесін бекемдеген кәсіпорын
Көкшетаудағы кірпіш зауыты бір жылдың ішінде өндіріс көлемін 16,5 пайызға өсіріп, 4,3 млрд теңгенің өнімін дайындады. Осы жылдың қаңтар-ақпан айларында 629 млн теңгенің өнімі шығарылды.
Туризм • 22 Мамыр, 2024
Көркіне көзайым бол Көкшетаудың!
Көрген жанның көзін сүйсінтіп, көңіліндегі қуаныш көбелегін көркемдік уызы қонақтаған қырларында ұшырған ерке Көкшенің иен табысының бір саласы – туризм. Былтыр салық түсімінің көлемі 21 пайызға өсіп, 3,5 млрд теңгені құраған.
