Оқиға • 07 Сәуір, 2025
Алматыда «Өрлеу» IX халықаралық байқауы өтті
Алматыда дәстүрлі түрде ұйымдастырылатын хореографиялық оқу орындарының «Өрлеу» IX халықаралық байқауы өз мәресіне жетті. Биылғы өнер додасына 8 елдің 134 талантты жас бишісі қатысты. Олар «Классикалық би», «Халық биі» және «Заманауи хореография» аталымдары бойынша бақ сынады, деп хабарлайды Egemen.kz.
Тарих • 04 Сәуір, 2025
Алматы қаласындағы Достық үйінде Жеңістің 80 жылдығына арналған іс-шаралар аясында «Жеңістің естелігі: ұрпақтар мен халықтар бірлігі» атты Қазақстан-Ресей конференциясы өтті.Конференция жұмысына Президент Әкімшілігі Ішкі саясат бөлімінің меңгерушісі Абзал Нүкенов, Мәдениет және ақпарат министрі Аида Балаева, Ресей Федерациясы Президентінің шет елдермен аймақаралық және мәдени байланыстар жөніндегі басқарма басшысының орынбасары Антон Рыбаков, Ресей Федерациясының Жастар ісі жөніндегі федералдық агенттігі басшысы Григорий Гуров, екі елдің ғалымдары мен сарапшылары, сондай-ақ белсенді жастар қатысты. Конференция мерейтойлық атаулы күнге арналған Қазақстан мен Ресейдің бірлескен іс-шараларының бастауы болды, деп жазады Egemen.kz.
Мәдениет • 31 Наурыз, 2025
Disney студиясының «Ақшақар» фильмі қазақ тілінде көрсетілді
Халықаралық «Қазақ тілі» қоғамы әлемдік премьераларды қазақ тілінде көруге шақырады. Наурыздағы мереке күндері Алматыда Disney студиясының «Ақшақар» фильмінің қазақ тіліндегі тұсаукесер көрсетілімі өтті, деп хабарлайды Egemen.kz.
Басылым • 27 Желтоқсан, 2024
«Қаңтар-22» кітабы жарық көрді
Қаңтардағы оқиға туралы алып-қашпа сөз, шындығынан дақпырты көп дерек әлі күнге толассыз айтылып келеді. Ел үміті мен сенімі таразыға түскен үш жыл бұрынғы жағдайдың ақ-қарасын аңдап, толыққанды мәлімет алғысы келетін оқырман қауымға арнап белгілі қаламгер, Қазақстан ПЕН клубының президенті Бигелді Ғабдуллин «Қаңтар-22. Сәті түспеген мемлекеттік төңкеріс және ұлттың оянуы» атты жаңа кітабын жақында жарыққа шығарды.
Кино • 25 Желтоқсан, 2024
Әлемдік премьераның Алматыдағы жаңғырығы
Алматыда Disney студиясының «Муфаса. Арыстан патша» анимациялық фильмінің қазақ тіліндегі тұсаукесер көрсетілімі өтті. Бұл – Disney-дің қазақ тілінде «сөйлеткен» үшінші фильмі. Фильмдерді түрлі елдерге бейімдеп, дубляждау – Disney компаниясында бұрыннан қалыптасқан үрдіс. Disney жыл сайын әр фильмнің түрлі тілдердегі 30-ға жуық нұсқасын дайындайды. «Қазақ тілі» қоғамының ұйытқы болуымен биылдан бастап ірі халықаралық студиялар әлемдік премьераларын қазақ тілінде ұсына бастады. Осы бастама аясында Disney студиясы биыл «Ойжұмбақ 2», «Моана 2», «Муфаса. Арыстан патша» деп аталатын үш фильмін қазақ тіліне аударып, дубляж жұмыстарын қаржыландырды.
Көрме • 10 Желтоқсан, 2024
Елдік мақсатты бедерлеген туындылар
Алматыдағы Мемлекеттік өнер музейінде Қазақстанның Халық суретшілері Әбілхан Қастеевтің 120 жылдығына, Үкі Әжиевтің 100 жылдығына, Нағымбек Нұрмұхаммедовтің 100 жылдығына, Гүлфайруз Исмаилованың 95 жылдығына арналған «Ұлағатты ұрпақ» атты Суретшілер одағының республикалық есептік көрмесі ашылды.
Қоғам • 04 Желтоқсан, 2024
Ұлт өнерінің алтын ұясы Ахмет Жұбанов атындағы дарынды балаларға арналған республикалық қазақ мамандандырылған музыкалық мектеп-интернатының құрылғанына биыл 60 жыл толып отыр. Атаулы күнге орай «Almaty Theatre» сахнасында мектептің рухани әлеуетін, дарынды балалардың шеберлігін көрсеткен концерт ұйымдастырылып, салтанатты жиынға Мәдениет және ақпарат министрі Аида Балаева, белгілі өнер қайраткерлері мен мәдениет саласының майталмандары, дарынды балалар мектебінің әр жылғы түлектері қатысты.
Өнер • 03 Желтоқсан, 2024
Абай атындағы Қазақ ұлттық опера және балет театры өнер сүйер қауымға Алтын Орданың негізін қалаған Жошы ханның есімін ұлықтау және Жошы ұлысының іргесі қаланғанына – 800 жыл толуына орай «Хан Сұлтан. Алтын Орда» атты опера спектаклін ұсынды. Алматылықтар және қала қонақтары үш күн бойы ортағасырлық алып мемлекет – Алтын Орданың құрылуына куә болып, ғасырлар қойнауына жетелейтін, ұлы сезімге толы естен кетпес саяхатты бастан кешті.
Көрме • 03 Желтоқсан, 2024
Алматы музейінде қазақтың тұңғыш академигі, Қазақ КСР Ғылым академиясын ұйымдастырушы, оның тұңғыш президенті, кеңес одағы мен Қазақстанның металлогения мектебінің негізін қалаушы, алғашқы Мемлекеттік сыйлықтың лауреаты, геолог-ғалым Қаныш Сәтбаевтың туғанына 125 жыл толуына орай «Ғылымға арналған ғұмыр» атты көрме ашылды.
Қоғам • 26 Қараша, 2024
«Қазпошта» КСРО халық әртісі, Қазақстан мәдениетінің өркендеуіне елеулі үлес қосқан көрнекті опера әншісі Бибігүл Төлегенованың туғанына 95 жыл толуына орай пошта маркасын шығарды. «Естелік және мерейтойлық даталар» сериясындағы марка – бес маркадан тұратын пошта блогі. Марка 4 түсті бояумен офсеттік үлгіде басып шығарылған. 5000 данамен таралған марканың номиналы – 450 теңге.
