Әлем • 22 Қаңтар, 2025
Беларусь халқы көшбасшысын таңдайды
Осы жексенбіде, 26 қаңтарда Беларусь Республикасында кезекті президент сайлауы өтеді. Елдің басты саяси науқанына дәл қазір президенттіктен 5 үміткер қатысып жатыр. Олардың қатарында қазіргі президент Александр Лукашенко да бар. Саяси тартыстың сын сағаты таяған сайын үміткерлердің де бағы мен бабы белгілі бола бастағандай. Әзірге А.Лукашенко өзге кандидаттардан алда келе жатыр.
Сұхбат • 17 Қаңтар, 2025
Сыбайлас жемқорлықпен күрес – еліміздің стратегиялық дамуының негізгі алғышарттарының бірі. Сол себепті де қоғамда патриотизмді, сыбайлас жемқорлыққа қарсы мәдениетті қалыптастыру ең маңызды мәселе болып отыр. Мемлекет басшысы Қасым-Жомарт Тоқаев сыбайлас жемқорлықпен күресуді қатаң тапсырып, онымен күрес қызметінің барлық бағыттағы жұмыстарына жаңа серпін беріп, сыбайлас жемқорлық тәуекелдерін заңнамамен сараптау жұмыстарын күшейтті. Осы ретте Су ресурстары және ирригация министрі Нұржан Нұржігітовпен сұхбат құрып, саладағы заңнамалық жаңашылдықтар турасында әңгіме өрбіттік.
Заң мен Тәртіп • 16 Қаңтар, 2025
Жамбыл облысы прокуратурасының бастамасымен «Заң мен тәртіп» тұжырымдамасы аясында Қордай ауданында «Тәртіпті өзіңнен баста!» атты жастар форумы ұйымдастырылды. Жамбыл облысының прокуроры Нұрғалым Әбдіровтің қатысуымен өткен іс-шарада заңдылық пен құқықтық тәртіпті, жастардың құқықтық сауатын қалыптастыруға бағытталған маңызды қадамдар, отансүйгіштік пен азаматтық борыш турасында келелі ойлар мен кесімді ұсыныстар айтылды.
Баға • 14 Қаңтар, 2025
Жылдың басы Қазақстан мұнай секторы үшін жағымды жаңалықпен басталды. Себебі өткен жылдың соңғы күндерінде әлемдік шикізат нарығында мұнай бағасы аздап көтерілді. «Қара алтынның» қазіргі бағамы (Brent маркасы) барреліне 80 доллардың ар жақ-бер жағында құбылып тұр. Әрине, бұл – бөрікті аспанға ата қуанатындай көрсеткіш емес. Бірақ ел бюджетінің жартысын қамтамасыз етіп отырған мұнай секторы үшін уақытша болса да тұрақтылықтың кепілі. Себебі 2024-2027 жылдарға арналған республикалық бюджет жобасында мұнай бағасы барреліне 75 доллар деңгейінде бекітілген.
Саясат • 01 Қаңтар, 2025
Ел дипломатиясының әлемдік межесі
Өткен жылы еліміздің ұстанымы мен халықаралық беделіне елеулі әсер еткен сыртқы саясатта маңызды оқиғалар аз болған жоқ. Бастысы бірқатар маңызды халықаралық ұйымдар мен құрылымдарға жасаған төрағалығымыз сәтті аяқталды. Биыл да Қазақстан өңірдегі қауіпсіздік пен тұрақтылық, экономикалық интеграция тұрғысынан сыртқы саясаттағы өзіндік ұстанымдарын айшықтайтын маңызды саяси оқиғалардың бел ортасында болмақ.
Саясат • 24 Желтоқсан, 2024
Көлік-логистика саласына серпін қажет
Кеше Мәжілісте палата спикері төрағасының орынбасары Альберт Раудың төрағалығымен Үкімет сағаты өтті. Онда еліміздегі көлік-логистика саласының әлеуетін арттыру мәселесі қаралып, ол бойынша Көлік министрі Марат Қарабаев баяндама жасады. Баяндамада министр Мемлекет басшысы Қасым-Жомарт Тоқаевтың елімізді Еуразияның басты көлік логистикалық хабына айналдыру туралы тапсырмасының орындалу барысына және көлік саласының әлеуетін дамытуға бағытталған іс-шараларға егжей-тегжейлі тоқталды.
Саясат • 16 Желтоқсан, 2024
Орта держава мәртебесі – өркениет өлшемі
Тәуелсіздік жылдары қолымыз жеткен жетістік, біз бағындырған белес аз емес. Бастысы жаһандық сын-қатер қаупі күн санап артқан алмағайып шақта ішкі және сыртқы тұрақтылықтың тізгінін тең дәрежеде ұстап қала алдық. Бүгінде кейбір ел үшін төңірегіндегі геосаяси ахуалдың салдарынан белгілі бір белеске көтерілу тұрмақ, өзін мемлекет ретінде ұстап қалудың қамы маңыздырақ болып қалды. Азаттық алғанымен алдымен тоқыраудың азабын тартқан еліміз еселі еңбектің арқасында жыл өткен сайын экономикасын нығайтып, сыртқы саясаттағы теңгерімді де естен бір сәт шығарған емес. Демократия мен бейбітшілікке, тұрақтылық пен ашық диалогке деген ұмтылысы елімізді халықаралық қауымдастық алдында абыройға бастап келеді.
Заң мен Тәртіп • 12 Желтоқсан, 2024
Қаржы пирамидаларына қарсы іс-қимыл күшейе түсті
Әлемді қан қақсатқан қаржы пирамидалары біздің елдің де табалдырығын аттап, қанымызға қара таңба болып сіңе жаздап барып беті қайтты. Құзырлы органдардың табанды әрекеті мен жұрттың аяғын тартып басып, сауатын арттырғанының арқасында қаржы пирамидалары құрыққа түсе бастады. Оларды ұйымдастырушылардың алды сотталса, біразы шетел жағалап, елден бас сауғалай қашты.
Аймақтар • 06 Желтоқсан, 2024
Химия өнеркәсібі мен құрылыс индустриясының дамуы қарқынды
Жыл басынан бері Жамбыл химия өнеркәсібі 212 млрд теңгенің өнімін өндіріп, облыс экспортының 77 пайыздан астамын қамтамасыз еткен. Ал еліміздің химия өндірісіндегі оның үлесі 24 пайызға жуықтады. Жалпы, республика бойынша фосфордың – 100, минералды тыңайтқыштардың –81, гипстің – 87, портландцементтің 13 пайызы Жамбыл облысындағы өндіріс орындарынан шығарылады. Бұл туралы өңір басшысы Ербол Қарашөкеев Орталық коммуникациялар қызметінің алаңында өткен брифингте айтты. Сондай-ақ өңірдің әлеуметтік-экономикалық даму қорытындылары, азаматтардың мемлекеттік бағдарламалар мен жобаларға қатысуы туралы баяндады.
Мәселе • 05 Желтоқсан, 2024
Бүгінде ел ішінде қаңғыбас ит-мысықтар мәселесі өршіп барады. Азаматтардың пікір қайшылығы қоғамды екіге бөле бастады. Әрине, бұралқы иттен зардап шегушілердің саны азаймай тұрғандықтан, топтасып көше кезген, аулада емін-еркін ойнақтап жүрген адамның «досына» деген көптің көңілі суып кеткендіктен оларды «тәртіпке салуды» жақтаушылар жағы басым. Ал иттердің құқығын қорғап, шыр-пыр болғандардың да өз айтары бар.
