Соңғы жаңалықтар
Үкімет • 03 Қазан, 2024
Халықаралық келісімдер ратификацияланды
Мәжіліс спикері Ерлан Қошановтың төрағалығымен төменгі палатаның жалпы отырысы өтті. Жиында Мәжіліс комитеттері бірқатар жаңа заң жобасын қарастырды. Оның үшеуі халықаралық құжаттарды ратификациялауға бағытталған. Сондай-ақ Мәжілістегі «Ақ жол» партиясы фракциясының мүшесі Серік Ерубаев палатадағы Заңнама және сот-құқықтық реформа комитетінің құрамына сайланды.
Қоғам • 03 Қазан, 2024
Су тасқыны туралы жаңа деректі фильм жарық көрді
Биыл еліміз соңғы 80 жылда болмаған алапат су тасқынын өткергені мәлім, деп хабарлайды Egemen.kz.
Білім • 03 Қазан, 2024
Мектепке дейінгі білімнің маңызы зор
Биылғы Жолдауда Президент Қасым-Жомарт Тоқаев еліміздің даму барысындағы өте өзекті мәселелерді мейлінше толығымен қамтыды. Әсіресе Мемлекет басшысының орта білім беру саласына да айрықша тоқталып өткені педагог ретінде менің көңіліме қонды.
Шаруашылық • 03 Қазан, 2024
Тиімді келісім табысқа бастайды
Әлемдік бренд қалыптастырған «PepsiСo» компаниясы алдағы екі жылда Алматы облысында әйгілі «Lay’s» чипсілерін шығаратын зауытты іске қосуды ойластырып отыр. Жаңа зауыт өзіне керек шикізатты шетелден тасымалдамайды. Құнары бар жергілікті өнімге көзі түсіп, еліміздің бірнеше шаруа қожалығымен ынтымақтастықты жедел бастап кеткен. Келісімге келгендердің бірі Осакаров ауданы Ақпан ауылындағы шаруасы шалқыған «Найдоровское» ЖШС чипс сұрыпты картопты биыл алғаш рет өсірді.
Банк • 03 Қазан, 2024
«Таңдаулылар банкі» талапқа мойынсұнбай тұр
Президент Қасым-Жомарт Тоқаев Үкіметтің алдына ел экономикасының көлемін 2029 жылға қарай екі есе ұлғайту міндетін қойып, әсіресе өңдеу саласын жедел дамытуға баса мән беруді тапсырғаны мәлім. Президенттің айтуынша, нақты секторға несие әлі де ойдағыдай берілмей жатыр. Шағын және орта бизнесті жеткілікті қаржыландыру мәселесі де шешімін тапқан жоқ. Экономикаға несие беруді белсенді жүзеге асыруға тиіс болған «Қазақстанның Даму банкі» үркердей топтың үлесін басым етіп отырған секілді.
Технология • 03 Қазан, 2024
ЖИ: АЭС көп саланың өркендеуіне ықпал етеді
Еліміз атом энергетикасын қолдануға қатысты тағдыршешті табалдырықта тұр. Аса маңызды тақырыптан жасанды интеллекті де тәп-тәуір хабардар, әрине. Сондықтан АЭС-тің біз білмейтін қыры туралы «OpenAI» компаниясы жасаған нейрожүйе – «ChatGPT»-мен әңгімелесіп көрдік.
Қоғам • 03 Қазан, 2024
«Самұрық-Қазына» бизнес өкілдерін серіктестікке шақырады
Ірі бизнес қайырымдылықты дамытуға, қоғамда көтерілген бастамаларға белсенді атсалысуы қажет. Бұл туралы елордадағы 2 қазанда өткен Ұлттық қайырымдылық конференциясында айтылды.
Саясат • 03 Қазан, 2024
Құндылықтарды ілгерілетуге ден қойды
Мәдениет және ақпарат министрі Аида Балаева Түркия Дін істері басқармасының төрағасы Әли Ербашпен кездесу өткізді. Тараптар түрлі бағыттар бойынша ынтымақтастық мәселелерін талқылады. Діни білім беру саласындағы бірлескен жұмысты нығайтуға және екі елдің университеттері арасындағы ынтымақтастықты арттыруға баса назар аударылды.
Мәселе • 03 Қазан, 2024
Әлеуметтік қолдауда алалаушылық болмаса...
«Кез келген мемлекеттің бақуаттылығы, ең алдымен, оның қарттар мен балаларға қарым-қатынасына қарай анықталады» деген екен ұлы ақын Гораций. Ата заңында өзін әлеуметтік мемлекет деп жариялаған елімізде халықтың әлжуаз топтарына жататын қариялар мен сәбилерге жасалып отырған қамқорлық аз емес. «Кез келген мемлекеттің бақуаттылығы, ең алдымен, оның қарттар мен балаларға қарым-қатынасына қарай анықталады» деген екен ұлы ақын Гораций. Ата заңында өзін әлеуметтік мемлекет деп жариялаған елімізде халықтың әлжуаз топтарына жататын қариялар мен сәбилерге жасалып отырған қамқорлық аз емес.
Алматы • 03 Қазан, 2024
Қауіпсіздік шаралары пысықталды
Қысқы маусымға қай жағынан болса да ерте бастан қамдану қажет. Алматыда Төтенше жағдайлар департаментінің 100 шақты қызметкері пешпен жылытылатын үйлерді аралап, өрт қауіпсіздігі шараларын түсіндіріп жүр.
Энергетика • 03 Қазан, 2024
АЭС салу ұсынысы 90-жылдардың аяғынан бері талқыланып келеді. Мен экономика министрі болған кезде де осы мәселе көтерілді. Үкіметте қызу талқылауға түсті. Бірақ жоба қолдау таппады. Себебі ол уақытта электр қуатын өндіретін әлеует жоғары, экономика әлі дағдарыстан шықпаған, электр қуатына сұраныс төмен, қаражат тапшы еді.
Аймақтар • 03 Қазан, 2024
Солтүстік өңірде тұтынушыларға ұсынылатын көмірдің «Шұбаркөл», «Қаражыра», «Майкөбе», «Богатырь» сынды төрт түрі бар. Олар облыс аумағындағы 32 тіректен сатылады, әзірше қоймаларда 44 мың тоннадай көмір жинақталған. Алғашқы екеуінің бағасы 1 тоннасына 19-20 мың, үшіншісі 16-17 мың шамасында. Ал күлі көп, жылуы аз, сапасы төмен Екібастұздың «Богатырь» көмірінің бағасы 12-13 мың теңгеден. Алайда осы соңғы, сапасыз көмірді ЖЭО-2 тұтынады. Оның пештері осы көмірдің қызуына шақталған.
Қоғам • 03 Қазан, 2024
Әлемдік еңбек нарығында бір қызық құбылыс бар. Ол – шетелдік жұмыс күші, гастарбайтер. Мысалы, бір елде жұмыссыздық көрсеткіші жоғары бола тұра, сол елге шетелдік жұмыс күші мен гастарбайтер барады. Бұл қандай парадокс?
Саясат • 03 Қазан, 2024
Қазақстан – Ресей: Сындарлы диалог әріптестікті нығайтады
Қазақстан Парламенті Сенаты төрағасының орынбасары Жақып Асанов пен Ресей Федерациясы Кеңесі төрағасының бірінші орынбасары Андрей Яцкин Қазақстан Парламенті Сенаты мен Федерация Кеңесі арасындағы ынтымақтастық жөніндегі комиссияның 22-отырысын өткізді.
Мәселе • 03 Қазан, 2024
Өткен жолы шетелге қыдыруға барған отандасымыз Италиядағы тарихи ғимаратқа заңсыз жазу жазып, жауапкершілікке тартылды. Осы оқиғаның артынша Грузияға барған тағы бір атыраулық келіншек Батумидегі Ботаника бағында өте сирек кездесетін бамбук ағашына атын жазып қалдырмақ болған. Шекара сыртында есімін ескерткіштерге қалдырамын деп, мемлекеттің абыройын айрандай төккен мұндайлардың ел ішіндегі ессіз әрекеттерін жіпке тізіп шығу мүмкін емес.
Құқық • 03 Қазан, 2024
Онлайн соттың да оңтайлы тұсы бар
Мемлекет басшысы Қасым-Жомарт Тоқаев Жолдауында: «Цифрландыру – барлық реформаның негізгі элементі. Цифрландыру – сәнге айналған үдеріске ілесу емес, ұлттың бәсекеге қабілеттілігін арттырудың негізгі құралы» деген еді. Қоғамның барлық саласына дендеп енген бұл заманауи үдерістен қазіргі таңда сот жүйесі де тысқары емес.
Қоғам • 03 Қазан, 2024
Елордалық еріктілер жағалаудағы есірткі жарнамалары бейнеленген граффиттерді өшірді. Іс-шара «Астана – есірткісіз қала» жобасы аясында ұйымдастырылды. Басты мақсат – есірткі заттарының таралуына жол бермеу, азаматтардың жауапкершілігін арттыру.
Жәдігер • 03 Қазан, 2024
Ғұн әшекейлерінің ерекше техникасы
Ғұндардың Еуропаға келуі бірнеше көркемдік стильдердің пайда болуы мен гүлденуін тудырды. Олардың ішінде ғұндармен ең жарқын, ең тығыз байланысты – полихромды стиль.
Мирас • 03 Қазан, 2024
Осы аптаның сейсенбісінде елорда төрінде орналасқан Ұлттық музейде Қарағанды облыс әкімдігі Мәдениет, архивтер және құжаттама басқармасына қарасты салалас мекеме тарихи-өлкетану музейінің ұйымдастыруымен 20 қыркүйек – 1 қазан аралағында Ұлық ұлыс – Жошы хандығының 800 жылдық межелі датасына орай атқарылған республикалық дәргейдегі «Талас – Ұлытау – Сарайшық» атты тарихи-этнографиялық экспедициясының қорытындысына арналған дөңгелек үстел өтті.
Мәдениет • 03 Қазан, 2024
Торқалы тойда 126 ардагер марапатталды
1934 жылы ұлттық, әлемдік классикалық мәдени мұраны насихаттау мақсатында құрылған Абай атындағы Қазақ ұлттық опера және балет театры өзінің 90-маусымын тарих бетіне өрнектеді. 90 жылдық тарихында 300-ден аса шығарманы сахнаға шығарған қазақ өнерінің қара шаңырағы мерейлі белесін тыңғылықты дайындықпен қарсы алып отыр. Атаулы күнге орай саналы ғұмырын киелі сахнаға, шығармашылыққа қызмет етуге арнаған театрдың 126 майталман маманы арнайы төсбелгімен марапатталып, бағалы сыйлықтар табысталды.
Кино • 03 Қазан, 2024
Режиссер Руслан Акунның «Пейіш ананың табанының астында» фильмінің жалпыхалықтық көрсетілімге шыққанына біраз уақыт өткенімен, аталған туынды хақында айтылар жылы пікірлер легі әлі күнге дейін толастаған жоқ. Себебі жер басып жүрген пенде біткеннің бәріне ортақ тілекпен ұштасқан картина көңілде жатқан көп қатпарды қозғағаны анық.
Тұлға • 03 Қазан, 2024
Жалпы, бізде тұлғатану – әлі күнге шешімін таппай отырған күрделі мәселе. Мұның солай екенін осыдан екі жыл бұрын, есімі еліне танылған көп зиялының бірі де емес, замандастары ерен еңбегін айрықша бағалап, «ұлт ұстазы» деп танып, даралаған, оны халқы құп көріп солай қабылдаған, бірдің бірегейі Ахмет Байтұрсынұлы атамыздың 150 жылдық мерейтойының кіндік қаны тамған туған өңірінде, әлгі карияларымыз айтатын: «жетім қыздың тойындай» деңгейде өткенінің куәгері ретінде өзіміз де анық аңғарғандай болып едік. Арада тағы екі жыл өткенде, биыл халқымыз ардақты азаматым деп ерекше құрмет тұтқан тағы бір аяулы перзенті – Нұртас Дәндібайұлы Оңдасынның (дұрысы: Нұртас Оңдасынұлы Дәндібай болуы керек. – Қ.С.) 120 жылдығы республика бойынша атап өтілетіні хабарланып, содан бері өткен тоғыз айдың ішінде мерзімдік баспасөз бетінде осыған байланысты жарияланған бірнеше мақаланы оқығаннан кейін көзіміз одан әрі жете түскендей болды. Өз мүмкіндігімізге қарай сұрастырып көргенде, біз сөйлескен жастардың көбісі Нұртас Оңдасынұлының кім екенін білмейтін болып шықты. Ал «білем» дегендерінің таным-түсінігі: «кешегі өткен кеңестік дәуірде қазақ үкіметін басқарған көп басшылардың бірі болса керек» дегеннен аспады.
Спорт • 03 Қазан, 2024
Жуырда Мажарстанда өткен шахматшылардың Олимпиадасында ел құрамасы күміс медальды иеленіп, төрткүл дүние жанкүйерлерін тамсандырған еді. Осы табыстың арқасында жерлестеріміз әлемдік рейтингте едәуір жоғарылады. FIDE-нің жаңартылған тізімінде Будапештте бақ сынаған Бибісара Асаубаева (2487 ұпай) 2-орынға көтерілді. Ал Меруерт Камалиденова (2378) – сегізінші, Алуа Нұрман (2356) – 10, Ксения Балабаева (2335) – 12, Әмина Каирбекова (2288) – 25-сатыға жайғасты. Мықтылар санатында Лия Құрманғалиева да бар. Ол 18-орында (2324).
Өнер • 03 Қазан, 2024
Ұлы Жібек жолы бойында жатқан көне Тараз қаласы екі жыл бұрын дүниежүзілік қолөнершілер қаласының тізіміне енген болатын. Ықылым заманнан бері сауда-саттықтың ордасына айналған, тарихы тереңде жатқан қаланың мұндай мәртебе алуы – заңдылық. Байырғы дәуірде-ақ қолөнер шеберлерінің таңдаулы туындыларымен талай жұртты тәнті еткен Таразда халықаралық көрме ұйымдастыру кейінгі жылдары дәстүрге айналды.
Қоғам • 03 Қазан, 2024
Ол кішкентайынан би өнеріне қызығатын. Бұл да әпкесі Самалға еріп алдымен би үйірмесіне барды. Содан соң Жезқазған қаласында құрылған «Мақпал» би ансамблінің құрамына қабылданды. Осы ансамбль сапында сан мәрте гастрольдік сапарға шықты. Өз елімізде ғана емес. Сол сапарларда Сая би өнеріне деген халықтың ынта-ықыласын көрді, сезінді.
Таным • 03 Қазан, 2024
Ғалам ғажаптары: Гоби гүлденеді
Қытайлар қанша жылдан бері Гоби шөлін абаттандыру жұмыстарын жүргізіп келеді. Бұл бастама «Жасыл қабырға» деп аталады.
Аңдатпа • 03 Қазан, 2024
8 қазан - «Қызыл орамалды шынарым» Ғ.Мүсірепов атындағы Қазақ мемлекеттік академиялық балалар мен жасөспірімдер театрында Ш.Айтматовтың «Қызыл орамалды шынарым» драмасы ұсынылады. Режиссері –Т.Теменов.
Шаруашылық • 03 Қазан, 2024
Қызыл қырманға ат басын бұрдық. Биыл астық мол, халықтың да көңіл күйі көтеріңкі. Қырман басына бір қауым жұрт жиналып қалыпты. Әуелі пай иелерінің үлесін таратып жатқан шығар деп ойладық. Шынында да солай екен, әркім өз үлесін алып жатыр. Таңдауларына орай. Біреуі бидай, біреуі арпа дегендей. Шеткерек тұрған шоқша сақалды жігіт ағасы шаруашылық басшысына жағдайын айтып жатыр.
Таным • 03 Қазан, 2024
Даналықты бір аяға сыйғызу бекер. Ол әр бетте, әр құбылыста, әр заманда өзінше қылаң береді. Сағдидің тілімен айтсақ, «ақылды адамға жапырақ та ұстаз».
Байқау • 03 Қазан, 2024
Үшінші жыл қатарынан өтіп келе жатқан Оралхан Бөкей атындағы қаламгерлер байқауы мәресіне жетті. Республикалық деңгейде Өскемен қаласы әкімдігі ұйымдастырып жатқан биылғы байқауда қаламгерлер драматургия жанры бойынша бақ сынасты.
