Ғылым • 02 Сәуір, 2026
Әл-Фараби атындағы Қазақ ұлттық университетінде Президент Қасым-Жомарт Тоқаев ғылыми қауымдастық алдында сөйлеген сөзінде ғылым мен бизнестің жүйелі интеграцияланбай отырғанын атап өтті. Ғылымға бөлінетін қаржы өсіп келеді. Ғылыми ұйымдар мен ғалымдардың да саны артқан. Алайда ғылымның экономикадағы үлесін нақты көре алмай отырмыз.
Сұхбат • 02 Сәуір, 2026
Қанат Ниязбеков: Қарт Каспийдегі қақпамыз – сенімді қолда
2 сәуір – отандық әскери теңізшілер үшін айрықша маңызды күн. 1993 жылы дәл осы күні Президент Әскери-теңіз күштерін құру туралы Жарлыққа қол қойып, тәуелсіз еліміздің теңіздегі қорғаныс қабілетін қалыптастыруға негіз қалады. Содан бері бұл құрылым Қарулы күштердің стратегиялық тұрғыдан маңызды құрамдас бөлігіне айналды. Атаулы күнге орай біз Әскери-теңіз күштерінің бас қолбасшысы, 1-дәрежелі капитан Қанат Ниязбековті әңгімеге тартқан едік.
Мирас • 02 Сәуір, 2026
Ежелгі ғасырлардан сыр шертетін киелі Түркістан өңірінің әр тасы тарихқа толы, шежіреге бай. Мыңжылдықтардың куәсі болған көне қала топырағын аяғыңмен басып, тарихи орындарын көзбен көрудің әсері, әрине, тым бөлек. Жуырда «Балуан тас сапары» экспедициясымен елорда әуежайынан он бір адам бортқа отырып, Шымкент шаһарына бет алдық. Қазақ халқының айрықша күш туралы дәстүрлі түсінігін жаңаша зерделеуге бағытталған жоба Түркістан облысы әкімдігінің қолдауымен «Қазақ күшінің картасы» аясында жүзеге асып отыр. Бірнеше күнге созылған сапар барысында Сайрам, Ордабасы, Созақ, Бәйдібек, Отырар, Сауран аудандарын аралап, тарихи нүктелерге табан тіредік.
Әдебиет • 02 Сәуір, 2026
Қазіргі романды қолдаған сыйлық
Қадау-қадау ғасырларда қазақ руханиятына пейілі түскен бай-бағландар аз болмаған. Солардың бірегейі – Есенқұл бай Маманов осыдан 111 жыл бұрын қазақ романына қазіргі теңгемен есептегенде 33 миллион жүлде тіккені айна-қатесіз болмаса да, бүгінде қайыра жаңғырып отыр. Демек, осы күнгі қалталылар да ұлт руханияты жолында аянып жатқан жоқ. Мыңдап саналмаса да, Есенқұл байдан үлгі алғандар бар.
Таным • 02 Сәуір, 2026
Биылғы айтулы оқиғаның бірі – 1896 жылы Хельсинки қаласында «Фин-угор» қоғамы редакция алқасының (Suomalais-ugrilaisen seuran toimituksia) шешімімен Финляндия әдеби қоғам баспасынан (Lmprimerie de la societe de literature finnoise) Вильгельм Томсонның «Орхон жазбалары» («Inscriptions de l’Orkhon») атты құнды кітабы жарық көруі. Бұл туындыға биыл 130 жыл толып отыр.
