Басылым • 18 Қазан, 2023
«Абай ғибратнамасы» – оқырман олжасы
Абайды тану, Абайды зерделеу – ұлт қазынасына қосылған мол үлес. Абайды білу өзіңді, өз халқыңды білумен тең. Хакім жырларын зерттеу ісі тәуілсіздік жылдарынан бері жаңаша сипат алғаны көңіл қуантады.
Руханият • 18 Қазан, 2023
Көптеген отбасында жылдар бойы жинақталған фотоальбомдар, уақыт сарғайтқан жазбалар, қойындәптерлер, ашықхаттар, бәзбіреулерінде, тіпті жеке жанның қағазға түсірген сырға толы күнделіктері барына күмән келтірмеймін. Олар – әрбір шаңырақтың шежіресі, тарихы, дастан-архиві, өткен күндердің жарқын елесі, кейбір жандардың ешкімге жария етпеген құпия сыры, жүрек түбінде бұғып жатқан алтынға бергісіз қымбат, асыл дүниесі десек те болады. Кей отбасыларда атадан балаға мирас болып келе жатқан көне фотосуреттер, қолжазбалар, хаттар, кітаптар да сақталған. Соларды көз қарашығындай сақтап, бір ұрпақтан екінші ұрпаққа жеткізіп жүрген азаматтардың ұқыптылығына, игілікті ісіне шексіз риза боласың.
Аймақтар • 18 Қазан, 2023
Сенбі күні Шет ауданында «Талды – өркениеттер тоғысында» атты халықаралық археологиялық-этнографиялық фестиваль өтті. Алғаш осы төңіректе қазба жұмыстары жүргізіліп, түрлі жәдігер табыла бастағанда бір топ тарихшы осында тарихи-археологиялық парк құруды ойластырған еді. Сол аспан астындағы мұражайда өткен өзекті басқосуға алыс-жақыннан меймандар келді. Әуелі шетелден келген ғалымдардың қатысуымен өткен конференцияда аталған аумақта жүргізілген зерттеу жұмыстары һәм алдағы жоба-жоспар талқыланды. Онымен қоса, қола балқыту, қыш құмыра жасау, ұлттық киім түрлерін тігу және ұмыт бола бастаған қазақ тағамдарын әзірлеу секілді этножұмыстарға елдің ықыласы ерек болды.
Өнер • 18 Қазан, 2023
Қонаев қаласының орталық алаңында ұйымдастырылған «Шебер-Fest» республикалық қолөнер фестиваліне еліміздің әр аймағынан 40-тан аса он саусағынан өнер тамған қолөнер шеберлері қатысып, халқымыздың мәңгілік мұрасына айналған атакәсіптің сан алуан түрін көрермендер назарына ұсынды. Шеберлердің көз жауын алатын қолөнер бұйымдарына қала жұртшылығы мен қонақтары үлкен қызығушылық танытты. Сонымен қатар арнайы жабдықталған сахна төрінде «Адырна» фольклорлық ансамблі мен танымал өнер ұжымдары халықтық ән-билерін орындап, фестивальдың мән-маңызын арттырды.
Сұхбат • 18 Қазан, 2023
Күләш ШӘМШИДИНОВА: Академиялық еркіндік алдымен мұғалімге қажет
Әрбір мемлекет дамуды, өркендеуді, экономикалық тұрғыда ғана емес, рухани жағынан баюды, кемелденуді көздейді. Сол бағытта барлық ресурсты пайдаланады. Бұл – дамушы елге де, дамыған мемлекетке де тән құбылыс. Көзделген мақсатқа әрқайсысы әртүрлі жолмен жетеді. Соның ішінде бәріміз байқағанымыздай жаңа технологияға, өндіріске, ғылымға айрықша көңіл бөлген елдер дамудың төте жолын тапқандай. Ғылым мен технологияның, жалпы, бар саланың бастауында білім жүйесі тұр. Ал біздегі білім жүйесі қай бағытта бет алып барады? Осы және өзге де сұрақтардың жауабын білу үшін отандық орта білім жүйесіндегі реформаторлардың бірі, танымал білім қайраткері Күләш Шәмшидиновамен әңгімелескен едік.
