Пікір • 16 Ақпан, 2024
Уақыт бір орнында тұрмайды. Қоғам да ілгерілей береді. Осыған байланысты еліміздің экономикалық дамуы қарқын алуға тиіс. Ал Үкіметтің басты міндеті – халықтың әл-ауқатын, тұрмыс-жағдайын жақсарту, ішкі жалпы өнімнің көлемін арттыру.
Сайлау • 16 Ақпан, 2024
Ашық сайлау – стратегиялық мәні айрықша міндеттің бірі. 2023 жыл сайлау жүйесіне елеулі өзгеріс әкелген жыл ретінде тарих қойнауына енетіні анық. Жыл басында Парламент Сенатының сайлауы өтті, наурыз айында Парламенті Мәжілісі мен мәслихат депутаттарын таңдадық. Мемлекет басшысы Қасым-Жомарт Тоқаев «сайлауды ашық әрі әділ өткізу дәстүрі жалғасады» деп сайлау үдерісінің саяси салмағы артатынын айрықша атап өтті.
Аймақтар • 16 Ақпан, 2024
Былтыр дәл осы уақытта Мәжіліс пен жергілікті мәслихаттар депутаттығына кандидаттар ұсыну аяқталып, ресми тіркелген партиялар сайлауалды үгіт-насихат жұмыстарына дайындықты пысықтап жатқан болатын. Саяси ұйымдар да, өзін-өзі ұсынған үміткерлер де үгіт-насихат кезінде сайлаушыларды сендіріп, өз мүмкіндіктерін сездіріп, бағдарламаларын жария етті. Қарапайым тілмен айтқанда, уәде берді. Уәде – шыншылдық пен әділдіктің бауыры. Ал уәдені орындау – адами қарым-қатынастың маңызды бөлігі. Бүгінде жыл бұрын сайлаушыларға берген уәденің қаншалықты орындалғанын немесе жүзеге асырылу барысын жұрттың білгісі келетіні анық.
Экономика • 16 Ақпан, 2024
Жер де бар, су да бар. Жетпей тұрғаны не?
Күн тәртібіндегі келелі мәселенің бірі әрі бірегейі – гектар берекесін арттыру. Ауыл шаруашылығына мемлекеттік қолдау ретінде жыл сайын қыруар қаражат бөлінгенімен, өнім көлемі артпай тұр, қайтарымы көңіл көншітерлік емес. Егіннен есесі кеткен елдің мал шаруашылығын өркендету өрісі де кеміді.
Аймақтар • 16 Ақпан, 2024
Сұйытылған газ: Өндірушіге де, тұтынушыға да қолайлы шешім бар ма?
Сыр топырағында өткен ғасырдың тоқсаныншы жылдары алғашқы мұнай тоннасы игеріліп, екі мыңыншы жылдар басында аймақ тұрғындары жер қойнауынан «қара алтынмен» қатар шығатын ілеспе газдың игілігін көре бастады. Осылайша, бұрын айдалада алау болып жанып жататын шикізат 124 шақырымдық «Ақшабұлақ-Қызылорда» газ құбыры арқылы облыс орталығына жетті. Кейін индустриялық-инновациялық жобаларды жүзеге асыру бағдарламасы шеңберінде екінші газ өңдеу зауыты салынып, «Қазгермұнай» БК» ЖШС бастамашы болған істің аясы кеңейе түсті.
