Фотогалерея • 27 Сәуір, 2023
Қостанайда жергілікті орнитолог-ғалым Алексей Тимошенконың 20 жыл бойы түсірген фотосуреттерінің көрмесі ашылды. Облыстық тарихи-өлкетану музейінің экспозиция залына орналасқан көрменің ашылу рәсіміне жергілікті биолог-ғалымдар мен Науырзым қорығының ғылыми қызметкерлері қатысты. Көрмені тамашалауға келгендерге орнитологтің ұлы Никита Тимошенко тамаша күй орындап берді. Никита үш жылдан бері домбыра үйірмесіне барып жүр.
Театр • 27 Сәуір, 2023
Халық жазушысы, драматург Тахауи Ахтанның 100 жылдығына орай Ақтөбеде «Театр – өнердің ұлы көші» атты халық театрлары фестивалі өтті. Оған сегіз өңірден он халық театры қатысып, екі күн бойы қаламгердің шығармаларын сахналады. Көрермендердің назарына он қойылым ұсынылды.
Өнер • 27 Сәуір, 2023
Мен білетін Нұржан Жанпейісов жаны жайсаң, бойында жасандылық жоқ жан. Қарапайым, ашық-жарқын кішіпейіл. Тіршілікте қандай қарапайым болса, сахнада да осы табиғи қасиетін сақтап келеді. Әрдайым ашық жарқын жүреді. Отбасынан алған тәрбие, өнер дарабозы Дәнеш Рақышевтен алған тәлім Нұржанның адамгершілік қасиетін ұштап, өнер өрісін кеңейтіп, болмыстық даралығына жол ашқандай.
Аймақтар • 27 Сәуір, 2023
Ірі өндіріс орындарының әлеуметтік жобаларға атсалысуы маңызды-ақ. Кен байлықты игеріп қана қоймай оның шарапаты сол өңірге де тиіп жатса, ел ішіндегі біраз күрмеу шешіліп қалары анық қой. Сондай бір ымыраға бастаған ынтымақтастық туралы меморандумға «Қазақмыс» корпорациясы» ЖШС-мен өңір әкімдігі қол қойды. Осы меморандум арқылы Қарағанды облысында 15 жобаны жүзеге асыруды «Қазақмыс» өз мойнына алып отыр.
Жемқорлық • 27 Сәуір, 2023
Қазіргі заманғы нарықтық қатынастар жағдайында Қазақстандағы сыбайлас жемқорлық тақырыбы және құқықтық мемлекет құру жайы расында да өзекті мәселе болып отыр. Сыбайлас жемқорлық әлеуметтік құбылыс ретінде өмір сүру деңгейіне кері әсерін тигізіп, қазіргі таңда кеңінен таралуда. Бұл құбылыс бірінші кезекте мемлекеттік қызмет органдарының имиджіне теріс әсер етеді, азаматтардың сеніміне нұқсан келтіреді, мемлекеттің нарықтық экономикасының дамуына қауіп төндіреді және экономикалық және ұлттық қауіпсіздікке зиян келтіретіні сөзсіз. Бүгінде сыбайлас жемқорлық деңгейін төмендету және жою – өзекті міндеттердің бірі.
