Таңғажайып керіш: От шашқан алаулы адырлар
Зайсан көлінің солтүстігінде Құйған, Аманат, Ақсуат, Монекей, Жолнұсқау сияқты ауыл тұрғындары ежелден балықшылықты кәсіп етеді. Көлдің солтүстік жағалауындағы Қиынкеріш ландшафты геологтар мен табиғаттанушыларды, археологтарды жіпсіз байлаған ерекше жер екенін көріп таңданасыз. Қиынкеріш – бір қарағанда от шашқан алаулы адырлар... Бұл атырап туралы да ғалымдар мен натуралист жазушылар ара-тұра жазып жүр.
Жазасын өтеушіні азаптағандар жазасын алады
Жуырда интернет желісінде Алматы облыстық қылмыстық-атқару жүйесі департаменті ЛА-155/8 мекемесі қызметкерлері мен осы колонияда жазасын өтеп жатқан сотталушылардың заңсыз әрекеттері бейнеленген видео тараған болатын. Ішкі істер министрінің өзі бейне кадрлардағы әрекетті «масқара жағдай» деп бағалаған іс бойынша түрме басшылығы түгелімен жұмыстан қуылып, колония бастығының орынбасары ұсталды. Бұл ақпарат Мемлекет басшысына да жетіп, Қасым-Жомарт Тоқаев туиттердегі парақшасында: «Алматы облысы Заречное ауылындағы түзету мекемесінде (ТМ) жазасын өтеушілерді азаптау деректеріне қатысты Бас прокурорға жан-жақты тергеу жүргізуді тапсырдым. ТМ-нің 5 қызметкері ұсталды, бірқатары жұмыстан босатылды. ІІМ-не ТМ жаңғырту тапсырылды. Азаматтық бақылауды күшейту қажет» деп жазды. Жалпы, түрмедегі адамдардың тағдыры мен олардың құқықтарының қорғалуы өте нәзік мәселе. Оған қоса, бұл саладағы әрбір әрекет немесе әрекетсіздік халықаралық ұйымдардың бақылауында тұр.
Жолға шыққан жолаушы әйел қорғалған ба?
Халқымызда «Жолаушы өз үйінен 40 қадам ұзап шыққан соң – мүсәпір» деген ұғым бар. Негізі, араб тілінен енген мүсәпір сөзінің өзі жолаушы деген мағынаны береді, ал біздің халқымызға ол жолға шыққан адамның қорғансыздығын, дәрменсіздігін білдіретін мағынасымен сіңісті болған. Хадистерде: «Сапар – азаптың бір бөлігі, ол біріңді ішіп-жеуден және ұйқыдан тосады, егер (кісі) шаруасын тындырса, отбасына асықсын» делінген. Асыл дінімізде сапарға шыққан адамдарға Алланың тағылымды жеңілдіктері өте көп. Қазақ халқы да қай заманда болмасын, тіпті өздері жоқшылықтың зардабын тартып отырған кездің өзінде де жолаушыларды төріне шығарып, бар тәттісін, сусынын аузына тосқан. Бірақ біз қозғағалы отырған әңгіме басқа – қазір жолаушылар, оның ішінде сапарға шыққан әйел адамдар үшін жолда жүру неліктен қауіпті болып кетті?
Еуропалық бұқаралық ақпарат құралдарында «ешкімге кедергі келтірме» деген ұстаным бар. Яғни, таратылатын ақпараттың өз деңгейіндегі фактілерге сүйену қажеттігін, алайда арандату немесе өзге де тәсілдер арқылы бұқараның санасын улап, теріс насихат әрекеттерін жасайтын құралға айналмауын жай ғана қарапайым сөйлеммен «ешкімге кедергі келтірмеумен» түсіндірген.
Экономика • 01 Тамыз, 2019
Бангкокта сауда диалогын кеңейту мәселелері талқыланды
Қазақстан Елшісі Раушан Есбулатова Қазақстан мен Таиланд арасындағы сауда диалогын дамыту мен өзара тиімді ынтымақтастықты үйлестіру мақсатында таиландтық іскерлік топтарымен кездесу өткізді. Бұл туралы Сыртқы істер министрлігінің баспасөз қызметі хабарлады.
