Басылым • 31 Желтоқсан, 2024
Әр жыл ұлт руханиятына түрлі табыс әкеледі. Жыл сайын кітапхана сөресі жаңа кітаптармен толығатыны да сөзсіз. Биыл да қоржынға қосылған жаңа жинақ көп болды. Соның ішінде «Абай» баспасынан жарық көрген 155 кітапты ерекше атап өтеміз.
Өнертапқыш • 31 Желтоқсан, 2024
Мектепте жүріп-ақ ғылыммен айналысуға ден қойған жас өрендердің талабына сүйсіне қарайсың. Ақтөбе қаласындағы Назарбаев зияткерлік мектебінің оқушысы Даир Сырлыбаев – IT саласында айтарлықтай жетістікке жеткен алғыр өрен.
Жансарай • 31 Желтоқсан, 2024
Көрнекті жазушы, Мемлекеттік сыйлықтың лауреаты Әлібек Асқаров оқырман қауымға бұған дейін тамаша роман, хикаяттарымен, мөлтек әңгімелерімен ғана емес, туған жеріміздің қайталанбас табиғаты туралы, сондай-ақ планетамыздың баз-бір таңғажайып өңірлері жайында, яғни сафари жанрында жазылған танымдық мәні зор туындыларымен де танымал қаламгер. Оның «Көккөл», «Мұзтау», «Шабанбай», «Шанағаты», «Қазығұрт», «Аспантау», «Тарғыл таулар, бұйра белдер», «Аюдың өті қайда?», «Қайырымды Үміт мүйісіне саяхат», «Қойға шапқан қара аю», «Бұғы қуып, аю алған», «Саха-Якутия: Ақ қар, көк мұз еліне сапар» аталатын шығармаларын оқырман жақсы біледі. Жұртшылық жазушы Әлібек Асқаровты бүгінде «табиғат жыршысы» деп қабылдайды және оның қаламынан әрдайым тек тұшымды дүниелер күтіп жүреді.
Аймақтар • 31 Желтоқсан, 2024
Шығыс шайырлары тамсана жырлаған Әулиеата жерінде осы жылдың өзінде бірнеше әдеби кеш ұйымдастырылды. Талай таланттың табанының табы қалған топырақта жергілікті зиялы қауым өкілінің шығармашылығына құрмет көрсету заңдылыққа айнала түскен секілді. Ал өңір басшысы Ербол Қарашөкеев 2025 жылды өңір бойынша «Кітап оқу жылы» деп жариялап отыр. Енді Жамбылдың шенеуніктері көркем әдебиет оқып қана қоймай, қай қаламгердің шығармашылығымен танысқанын әлеуметтік желілерде егжей-тегжейлі жазып отырады.
Қоғам • 31 Желтоқсан, 2024
«Жалғыз жолаушы» ютуб арнасының авторы журналист Санат Ілиясұлы биыл 15 елге табаны тиіп, қиыр жайлап шет қонған қазақтардың тұрмысын таспалаған. Шалғайда тірлік кешіп жатқан ағайындарға елдің ыстық ықыласын жеткізіп жүрген жиһанкездің әр сапарында басын қатерге тігетін сәттері де кездеседі. Сапар барысында өзге ел тұрғындарының шынайы өмірін қаз-қалпында таспалап келеді.
