Еңбек • 11 Ақпан, 2024
Текеліде электр қозғалтқыштарын жөндеп, қалпына келтіретін шебер тұрады. Бала күнінен бұл технологияның тілін жетік меңгерген Юрий Семичев осы бағытта кәсіптің көзін тапқан. Сөйтіп, мемлекет қолдауының нәтижесінде шағын шеберханасының іргесін қалайды. Қала тұрғындары ғана емес, маңайдағы аудан азаматтарды да кәсіп иесінің көмегіне жүгінеді.
Еңбек • 08 Ақпан, 2024
Кәсіпке икемі бар, бірақ қаржысы жоқ адамдарға «Ауыл аманаты» бағдарламасы көп мүмкіндік берді. Мәселен, бір жыл ішінде Ақсу ауданында 91 жоба мақұлданып, 513,5 млн теңге шағын несие берілген. Аграрлы өңір тұрғындары көбіне мал шаруашылығына сұраныс білдірген. Дегенмен ұлттық қолөнерді де дамытуға бет бұрған абзал жандар бар.
Аймақтар • 07 Ақпан, 2024
Алакөл ауданының Ақжар ауылында «Ауыл – ел бесігі» бағдарламасы аясында жаңа Мәдениет үйі пайдалануға берілді. Заман талабына сай материалдық-техникалық базаларымен жабдықталған ғимарат қос қабатты, аумағы 8 мың шаршы метрді құрайды.
Саясат • 07 Ақпан, 2024
Өңірге инвестиция тарту – өте өзекті мәселе. Қазір Жетісудың «бас ауруы» да осы болып тұр. Облыстық экономикасын дамыту үшін сырттан бизнес өкілдерін тартып, оларды қолда бар игіліктерге қызықтыру қажет. Аграрлы өңір туризм саласының әлеуетін арттыру үшін де жанталасып жатыр. Осы бағытта облыс әкімі Бейбіт Исабаев Алматыдағы АҚШ Бас консулдығының делегациясымен кездесті.
Аймақтар • 06 Ақпан, 2024
Талдықорған әкімінің қарапайымдылығына жұрт риза болды
Мемлекет басшысы әкімдердің халықпен тығыз байланыста болуын тапсырған еді. Сол арқылы елдің мұң-мұқтажы анық көрінетіні аян. Осы ретте шаһар басшысы Ернат Бәзіл Талдықорғанды қоғамдық көлікпен аралап, жұрттың тілегін тыңдады. Өзімен еркін тілдескен жетісулықтар қала әкімінің қарапайымдылығына риза болды.
Аймақтар • 05 Ақпан, 2024
Қаладағы қариялардың қауырт жұмысы жоқ, көпқабатты үйдің ауласынан ұзамайды. Бұл егде тартқан жанның денсаулығына зиян. Неге десеңіз, адам қимылдамаса, қан айналым үдерісі де төмен болады. Ал неғұрлым белсенді тірлік етсе жасы ұзақ, дені сау болмақ. Оның үстіне «қарты бар елдің қазынасы бар» деп қазақ әріден ойлаған. Осы орайда облыс орталығында «Белсенді ұзақ өмір сүру орталығы» жұмысын бастады.
Туризм • 01 Ақпан, 2024
Мәуелі мекен туризмге бет бұрады
Жер жәннаты саналған мәуелі мекен туризм саласына ерекше мән беріп жатыр. Бұлай дейтініміз, табиғаты көркем шекаралық аудандарда Vizit орталықтарды ашу жоспарланып отыр. Бұл әуелі алыстағы ауылдардың инфрақұрылымын реттеуге көмектеседі. Бұған қоса таңғажайып Текелі тауларына шаңғы-биатлон кешені ашылмақ.
Аймақтар • 01 Ақпан, 2024
Польша бизнесінің Жетісудағы қадамы
Былтыр жыл басынан тартылған 54,1 млрд теңге инвестиция жылдық жоспардың тек 63 пайызын құрап отыр. Негізінде өткен жылы Жетісуға 86 млрд теңге инвестиция салынады деп күтілген. Қазір аграрлы өңір сырттан инвесторлар іздестіріліп жатыр. Осы мақсатта облыс әкімі Бейбіт Исабаев Польшадан келген бизнесмендер делегациясымен кездесті. Олар осында құс пен сиыр етін өңдеуге, тұқы балығын өсіруге ниетті.
Қоғам • 30 Қаңтар, 2024
Күй – қазақтың қан тамырымен жазылған рухани шежіресі. Оған талайлы тағдыры сарсаңға салса да қос ішектен қасиет іздеген әйгілі күйші Қожеке Назарұлының шығармалары дәлел. Мұны жазушы Есболат Айдабосын «Тас көмірдің шоғы» атты әсерлі әңгімесінде де жазған. Осы ретте Жетісуда «Күй шақыртқы» атты кітаптың тұсауы кесіліп, қалың оқырманға жол тартты. Жинақты құрастырған – Мәдениет қайраткері, күйші Талғат Оразаев.
Аймақтар • 30 Қаңтар, 2024
Шалғайдағы мектептерге автобус берілді
Жетісуда шағын елді мекендерден қатынайтын 2 мыңға жуық оқушыға арнайы автобустар қызмет көрсетеді. Осы мақсатта өңірде 67 көлік ұйымдастырылған. Дегенмен дені ескірген. Сондықтан заман талабына сай біртіндеп жаңарту жұмыстары жүріп жатыр. Күні кеше облыс орталығынан шалғай орналасқан ауылдарға жергілікті бюджет есебінен 5 су жаңа автобус берілді.
