АСТАНА. 31 мамыр. Бүгін Қытай Халық Республикасының (ҚХР) 24 аймағында білім алып жүрген Қытайдағы қазақ студенттері бірлестігінің белсенділері саяси қуғын-сүргін құрбандарын еске алды. Бұл туралы inform.kz-ке сілтеме жасаған egemen.kz тілшісі хабарлады.
«Бүгін саяси қуғын-сүргін және ашаршылық жылдарында құрбан болғандарды еске алу үшін өз еркімізбен ораза ұстау арқылы еске алып отырмыз. Бұл – біздің Қазақстандағы отандастарымызды қолдау және Қазақстан тарихына құрмет көрсету. Себебі, өткенімізді білмей жатып, алға жылжи алмаймыз», – деді Қытайдағы қазақ студенттері бірлестігінің басшысы Жігер Қабинұлы.
Оның айтуынша, бұл шараға 2 мыңнан астам адам қатысқан.
Айта кетейік, Қытайдағы қазақ студенттерінің бірлестігіне ҚХР-дағы қазақ диаспорасының 15 мыңнан астам азаматы кіріп отыр.
Аян Әбдуәли.
Дерек, фото: inform.kz.