Балғын орманшылар сайысы

Облыстық табиғи ресурстар және та­биғат пайдалануды реттеу басқармасы мен «Жастар мәслихаты» қоғамдық бір­лестігінің ұйытқы болуымен «Березка» бала­ларды сауықтыру лагерінде өткен жас ор­маншылардың бесінші слеті өскелең ұр­пақты табиғатты сүю, қоршаған ортаны қор­ғауға тәрбиелеу мақсатын көздеді. Жиынды ашқан басқарма басшысының орынбасары Анатолий Усольцев адам мен табиғат арасындағы тепе-теңдіктің бұзылуы орны толмас зардаптарға соқтыратынын, сон­­дық­тан экологиялық мәдениеті биік жеке тұлғаны қалыптастырудың маңы­зын атап өтті. Орман шауашылығы бөлі­­мінің жетекшісі Василий Лобанчук жас орманшылардың 12 командасы арасындағы бәсеке төрт кезең бо­йынша жүргізілетінін түсін­діреді. 7-10 сынып оқушылары бас қосқан байқаудың бірінші кезеңі табиғаттың сан қырын бейнелеуді мақсат еткен плакаттарға арналды. «Ботаника», «Дендрология», «Энто­­­мология», «Орман шаруашылығы» аталымдары, «Орман көпсайысы» эстафетасы, «Үгіт бригадасы», «Өзін-өзі таныстыру» кезең­дері бойынша да жарыс тартысты өтіп, экологиялық сананы қалыптастыру, ғылым жаңалықтарына сүйену, нормативтік-құ­қық­тық құжаттарды білу, практикалық іс-әрекеттер мен дағдыларды дамыту мәселе­леріне баса назар аударылды. Өмір ЕСҚАЛИ, «Егемен Қазақстан» Солтүстік Қазақстан облысы