Айдынға кел, қалқатай!..

Ертең Алматыдағы жаңа мұз сарайларында сырғанақ маусымы басталады. Алматылықтар мен қала қонақтары жаңа мұздың сапасын көруге құлықты-ақ. Оның үстіне әсем ғимаратта сыр­ғанап демалғанның өзі неге тұрады?! Жаңа мұз сарайының ішін­дегі температура сырттағы ауа райына байланысты бір орталықтан реттеліп отырады. Қажет болған жағдайда павиль­­ондағы ауаның температурасын +18 градусқа дейін көтеру жайы да қарас­тырылған. Жаппай сырғанау маусымы «Алматы Арена» және «Халық Арена» нысандарында түрлі концерттік шаралар мен спорттық жарыстарды өткізуге бөгет жасамайды. Өйткені, мұз кешендерінің әрқайсысы негізгі және жаппай сырғанауға арналған екі айдыннан тұрады. Жаппай сырғанауға келу­шілер үшін арнайы коньки жалға беру орындары жұмыс істейді. Өз конькилерімен сыр­ғанаушыларға да шектеу қойылмаған. Әрбір сеанс аяқталысымен мұз тазаланып отырады. 7 жасқа дейінгі балалар, І-ІІ топ мүгедектері, көп балалы отбасылардың бала­лары және жетімдер үйінің тәрбиеленушілері мұз ай­дынына тегін кіре алады. Оқушылар, студенттер мен зейнеткерлер және ІІІ топ мү­гедектеріне  арнайы жеңіл­діктер қарастырылған. Меліс СЕЙДАХМЕТОВ АЛМАТЫ