Павлодардағы «Астана» мұз сарайында өткен концертке Rin'Go тобы мен лазерлі шоу әртістері келіп өнер көрсетті. Бұл туралы pavlodarnews.kz хабарлады.
Мұз сарайында алауды ұстап жүгірген спортшыларды 3000-нан аса көрермен күтіп алды.
«Бүгін біз әлемдегі ауқымды шаралардың бірін көріп қана қоймай, оның қатысушысы атанып отырмыз. Алауды ұстап өткен әр азамат еліміздің мақтауға лайықты тұлғасы деп білемін», – деді облыс әкімі Болат Бақауов.
XXVIII бүкіләлемдік қысқы Универсиада Алматы қаласында 29 қаңтар мен 8 ақпан аралығында өтеді. Аталмыш қысқы ойындар арасында медальдар спорттың 12 түрі бойынша сарапқа салынады.