Афина Олимпиадасының чемпионы Бақтияр Артаев WBA (Super), IBO, WBC және IBF тұжырымдары бойынша әлем чемпионы Геннадий Головкин (36-0, 33 КО) мен WBA (Regular) белбеуінің иегері Дэниэл Джейкобс (32-1, 29 КО) арасындағы жекпе-жекке болжам жасады. Бұл туралы baq.kz хабарлады.
«Головкин қарсыласын бесінші немесе алтыншы раундта нокаутпен жеңеді деп ойлаймын. Әрине, GGG жекпе-жекті одан да ерте, екінші раундта аяқтауға да мүмкіндігі бар. Бірақ көрермендер мен жанкүйерлерінің сұрауы бойынша бұл жолғы кездесуін біраз созатын сияқты. Сондықтан алтыншы раундта ұтады деп ойлаймын», – дейді Б.Артаев.
Айта кетейік, қос боксшы арасындағы айқас 18 наурызда АҚШ-тың Нью-Йорк қаласындағы Madison Square Garden аренасында өтеді.